قازاقستان مەگاپوليستەرىندە 5G ستاندارتىنداعى ۇيالى بايلانىس تەستىلەۋدەن وتەدى
«قازاقستاندا 5G جەلىسىن ەنگىزۋگە قاتىستى ساۋالدار كوبەيگەندىكتەن، ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى مىناداي مالىمەت بەرەدى: قازاقستان رەسپۋبليكاسى راديوجيىلىكتەر جونىندەگى مەملەكەتتىك ۆەدومستۆوارالىق كوميسسياسى ەلدىڭ ءۇش قالاسىندا - نۇر- سۇلتان، الماتى جانە شىمكەنتتە 5G ستاندارتىنداعى ۇيالى بايلانىستى تەستىلەۋدەن وتكىزۋ تۋرالى شەشىم قابىلدادى. ەشقانداي وپەراتوردىڭ ەكسكليۋزيۆتى قۇقىعى بولمايدى، جوسپار كەستەسىنە سايكەس 5G ۇيالى بايلانىسىن سىناۋ مۇمكىندىگى بەلگىلى ءبىر ۋاقىتقا «قازاقتەلەكوم» ا ق، «كار-تەل» ج ش س، «كسەلل» ا ق، «موبايل تەلەكوم- سەرۆيس» ج ش س بەرىلدى. 5G ستاندارتىنداعى ۇيالى بايلانىستىڭ كوممەرتسيالىق تۇرعىدا ۇسىنۋ مەرزىمىن ناقتى ايتۋ ازىرشە مۇمكىن ەمەس»، - دەلىنگەن حابارلامادا.
سونداي-اق وندا قازىرگى تاڭدا زاڭ جوباسى ق ر پارلامەنتى سەناتىنىڭ قاراۋىندا ەكەنى ايتىلعان. «بۇل ماسەلە تولىقتاي زاڭ جۇزىندە رەتتەلگەن سوڭ عانا كونكۋرس (نەمەسە اۋكسيون) ناتيجەسى بويىنشا جەڭگەن وپەراتور 5G ستاندارتىن كوممەرتسيالىق قولدانىسقا ەنگىزەتىن بولادى».