5G كوروناۆيرۋسقا قارسى ۆاكسينالارمەن بايلانىستى پسيحوتروندى قارۋ – جالعان
بۇل جولى Telegram مەسسەندجەرىندە 5G ادامداردىڭ بويىنشا قورقىنىش پەن ۇرەي سەزىمىن وياتۋعا، اۋىرسىنۋ سەزىمىن تۋدىرۋعا جانە ويلاردى تىكەلەي ميعا جەتكىزە الاتىن پسيحوتروندى ەكەندىگى ايتىلعان بەينە تاراتىلۋدا.
سونداي- اق، روليك اۆتورلارىنىڭ ايتۋىنشا، وسى فورماتتاعى جەلىلەر COVID-19 قارسى ۆاكتسينا كومپونەنتتەرىمەن ءوزارا ارەكەتتەسە الادى. بۇل جالعان، دەپ حابارلايدى stopfake.kz سايتى.
بىرىنشىدەن، پسيحوتروندى قارۋ جوق. ۇكىمەت ازىرلەگەن، ادامداردىڭ بويىندا بەلگىلى ءبىر ويلار مەن ەموتسيالار وياتۋعا، ولاردىڭ د ن ق وزگەرتۋگە جانە مىنەز- قۇلقىنا اسەر ەتە الاتىن قۇپيا قارۋ - بۇل قاستاندىق تەورياسى عانا.
كەيبىر ادامدار مۇنداي تەحنولوگيالاردىڭ بار ەكەندىگىنە سەنەدى، ال باسقالارى ونى قارۋ رەتىندە «ورناعانىن» سەزىنەدى. ادەتتە، ولار ەندى وزدەرى ويلانا المايتىندارىن، دەنەنىڭ ءارتۇرلى بولىكتەرىندە اۋىرسىنۋدى سەزىنەدى جانە وزدەرىن بىرەۋلەر باقىلايتىنىنا سەنىمدى، بۇعان ۇدايى «دالەلدەر» تاۋىپ وتىرادى. ساراپشىلار مۇنداي بەلگىلەردى كاندينسكي- كلەرامبو اشىقتىق سيندرومىنىڭ سيمپتومدارى دەپ اتايدى، ءوز كەزەگىندە بۇل پارانويدتىق شيزوفرەنيانىڭ دامۋىنىڭ بەلگىسى بولىپ تابىلادى.
بۇگىنگى تاڭدا ينفرادىبىس قولدانىلاتىن جينالعان حالىقتى تاراتۋعا ارنالعان قۇرىلعىلار بار، ولاردى كەيدە «پسيحوتروندى» دەپ تە اتايدى. ونىڭ ىڭعايسىزدىق تۋدىراتىنى راس، ءبىراق ول ويلار مەن ەموتسيالاردى تۋدىرمايدى نەمەسە باسقا جولمەن پسيحيكاعا اسەر ەتە المايدى. دەمەك، روليك كەيىپكەرىنىڭ پسيحوتروندىق قارۋ ماڭىزدى نىسانداردىڭ اينالاسىندا ورناتىلعاندىعى جانە ولارعا جاقىنداعان ادامدار قورقىپ، اۋماققا كىرە المايدى دەگەن سوزدەرى ويدان شىعارىلعان. سونىمەن قاتار، بۇل اق ۇيگە، بۋكينگەم سارايىنا جانە ت. ب. كۇزەتىلەتىن نىساندارعا زاڭسىز كىرۋدىڭ جاعدايلارىمەن دە تەرىسكە شىعارىلادى.
2019 -جىلى ميلليوننان استام ادام 2013 -جىلعا دەيىن ا ق ش- تىڭ نيەۆادا قالاسىندا ورنالاسقان اسكەري بازاعا 51 ايماققا شابۋىل جاساۋدى جوسپارلاعان. ناتيجەسىندە شابۋىل بولعان جوق، ءبىراق جۇزدەگەن ادام جاقىن جەردە ۇيىمداستىرىلعان فەستيۆالداردا كوڭىل كوتەردى، ولاردىڭ كوبى بازانىڭ قاقپاسىنا جاقىنداپ، ەش قورىقپاستان كۇزەتشىلەرمەن اڭگىمەلەستى.
ەكىنشىدەن، 5G مۇنارالارى قارۋ دەگەن دە قاستاندىق تەورياسى بولىپ تابىلادى. بۇعان دەيىن ءبىز ونى ەگجەي- تەگجەيلى تالداپ، ۇيالى بايلانىس قۇرىلعىلارىندا قارۋ دەپ ساناۋعا بولاتىن لازەر، زەڭبىرەك نەمەسە جۇمباق «ساۋلەلەندىرگىش» جوق ەكەندىگىن جازعان بولاتىنبىز. سونداي- اق، كوشە شامدارى جاپپاي قىرىپ- جويۋ قارۋى، قاتەرلى ىسىك پەن باسقا دا ەمدەلمەيتىن اۋرۋلاردى تۋدىراتىنى تۋرالى ۇقساس تەوريالار تۋرالى ايتتىق.
ۇشىنشىدەن، 5G جەلىلەرى مەن COVID-19 پاندەمياسىنىڭ اراسىندا بايلانىس جوق. اۋرۋدىڭ قوزدىرعىشى جاڭا بۋىنداعى جەلىلەرى ارقىلى بەرىلۋى مۇمكىن دەگەن نۇسقانى د د س ۇ جوققا شىعاردى. سونىمەن قاتار، 5G تولقىندارى تەرى جاسۋشالارىندا SARS- CoV-2 كوروناۆيرۋسىن تۋدىرۋى مۇمكىن دەگەن اڭىزدى جوققا شىعاردىق.
5G سيگنالدارى كۆي ۆاكتسينالارىنىڭ كومپونەنتتەرىمەن ءوزارا ارەكەتتەسە المايدى. ويتكەنى، ۆاكسينالاردا كەز كەلگەن راديو سيگنالدارىن قابىلداپ، تاراتاتىن نەمەسە وڭدەي الاتىن ينگرەديەنتتەر جوق.
عالىمدار 5G جەلىلەرىنىڭ ادامدار ءۇشىن قاۋىپسىز ەكەندىگىنە قاتىستى زەرتتەۋلەر جۇرگىزدى جانە ونى جالعاستىرۋدا. بۇگىنگى تاڭدا مۇنداي فورماتتاعى تولقىندار فيزيكالىق نەمەسە پسيحيكالىق دەنساۋلىققا تەرىس اسەر ەتۋى مۇمكىن دەپ ايتۋعا نەگىز جوق. 5G جەلىلەرى پسيحوتروندى دا، باسقا دا قارۋ ەمەس. ۇيالى بايلانىس سيگنالدارى ك ۆ ي قارسى ۆاكتسينالارىمەن ءوزارا ارەكەت ەتپەيدى جانە وسى اۋرۋدىڭ پاندەمياسىمەن بايلانىستى ەمەس.