5G ينتەرنەت قاۋىپتى مە؟
اسقار جۇماعاليەۆ قازاقستاندا 5G قۇرالى نۇر-سۇلتان، الماتى جانە شىمكەنت قالالارىندا سىناقتان وتكەنىن اتاپ ءوتتى.
«جابدىقتار جۇمىسى ينتەرنەتتى وتە جوعارى جىلدامدىقتا تاراتۋ مۇمكىندىگىن كورسەتتى. وسى باعىتقا بيۋدجەتتەن قارجى ەسكەرىلمەگەن، سەبەبى تەلەكوممۋنيكاتسيا جەلىلەرىن دامىتۋ بايلانىس وپەراتورلارى قارجىسى ەسەبىنەن جۇزەگە اسىرىلادى»، - دەدى مينيستر.
سونداي-اق، ول 5G دەن تونەتىن قاۋىپكە قاتىستى ءوز ويىن اشىق ايتتى.
«ۇيالى انتەننالاردىڭ ادام دەنساۋلىعىنا اسەرىنە توقتالايىن. ءبىر دە ءبىر انتەننا سانيتارلىق- ەپيدەميولوگيالىق قاداعالاۋ قىزمەتىنىڭ رۇقساتىنسىز ورناتىلعان جوق. ءاربىر بازالىق ستانسياعا ءتيىستى سانيتارلىق پاسپورت بەرىلەدى. تۇرعىن ۇيگە ۇيالى انتەننا ورناتىلعان كەزدە، ول ارنايى تالاپتارعا سايكەس ورناتىلادى. سوندىقتان تۇرعىندارعا قورقۋدىڭ ەش قاجەتى جوق. ءتيىستى مەديتسينالىق ۇيىمدار بۇل ماسەلەنى باقىلاپ وتىر»، - دەدى اسقار جۇماعاليەۆ.
