الداعى 5 جىلدا مۇناي باعاسى قالاي وزگەرەدى - مينيسترلىك بولجامى
مينيسترلىك ۇسىنىپ وتىرعان وپتيميستىك سسەناريدە مۇناي باعاسى باررەلىنە 90 دوللار بولادى دەلىنگەن. مۇنداي جاعدايدا جالپى ىشكى ءونىمنىڭ ورتاشا جىلدىق ءوسۋى % 6,6 بولىپ، تاۋارلار ءوندىرىسى ورتا ەسەپپەن % 5,7، كورسەتىلەتىن قىزمەتتەر ءوندىرىسى % 7 ارتاتىنى بولجانعان.
سونداي- اق قازاقستاندىق ەكسپورتتىڭ اياسى كەڭەيىپ، ونىڭ ىشىندە تاۋارلار ەكسپورتىنىڭ كولەمى 2024 -جىلى 89,3 ميلليارد دوللار، 2028 -جىلى 102,3 ميلليارد دوللار بولماق.
«يمپورت كولەمى 2024 -جىلى 62 ميلليارد دوللارعا، 2028 -جىلى 69,1 ميلليارد دوللارعا دەيىن جەتەدى. مۇنداي ءوسىم رەسپۋبليكالىق بيۋدجەت كىرىسىنىڭ ۇلعايۋىنا ىقپال ەتەدى. 2024 -جىلى بيۋدجەت كىرىسى 16 تريلليون 455,1 ميلليارد تەڭگە، 2026 -جىلى 18 تريلليون 847,7 ميلليارد تەڭگە كولەمىندە تۇسەدى دەپ بولجانىپ وتىر»، - دەلىنگەن جوسپاردا.
ال پەسسيميستىك سسەناري كەزىندە مۇناي باعاسى باررەلىنە 60 ا ق ش دوللار كولەمىندە بولادى. ەكونوميكانىڭ ورتاشا جىلدىق ءوسۋى % 3,7، تاۋارلار مەن كورسەتىلەتىن قىزمەتتەر ءوندىرىسى تيىسىنشە 3 جانە % 3,5 دەڭگەيىندە عانا قالادى.
«الەمدىك سۇرانىستىڭ ازايۋى جانە تاۋار نارىقتارىنداعى باعانىڭ تومەندەۋى قازاقستاندىق ەكسپورتقا كەرى اسەرىن تيگىزەدى. تاۋارلار ەكسپورتى 2024 -جىلى 70,6 ميلليارد دوللارعا، 2028 -جىلى 79,1 ميلليارد دوللارعا ۇلعايادى. يمپورت كولەمى 2024 -جىلى 45,2 ميلليارد دوللار، 2028 -جىلى 61,6 ميلليارد دوللار دەڭگەيىندە بولادى كۇتىلىپ وتىر. ەكونوميكانىڭ بۇلايشا باياۋلاۋىنان بيۋدجەت كىرىسى ازايىپ، 2024 -جىلى 14986,7 ميلليارد تەڭگە، 2026 -جىلى 17379,3 ميلليارد تەڭگە بولادى» ، - دەپ جازادى مينيسترلىك ماماندارى.
بازالىق سسەناري بويىنشا مۇنايدىڭ الەمدىك باعاسى باررەلىنە 80 دوللار شاماسىندا بولىپ، بيۋدجەت كىرىسى 2024 -جىلى 16 تريلليون 124 ميلليارد تەڭگە، 2026 -جىلى 18 تريلليون 404,5 ميلليارد تەڭگەگە دەيىن ارتۋى ءتيىس. جالپى ىشكى ءونىمنىڭ ءوسۋ قارقىنى % 10,7 دەڭگەيىندە بولماق.
اۆتور:
ەسىمجان ناقتىباي