بۇرىنعى جىگىتىڭىزدى ۇمىتۋعا كومەكتەسەتىن 5 كەڭەس

استانا. قازاقپارات - بۇرىنعى جىگىتىڭىز جايلى ءالى دە كۇندە ويلايسىز با؟ كۇندە ونىڭ پاراقشاسىنا كىرىپ تەكسەرەسىز جانە ونىمەن بىرگە وتكىزگەن جاقسى ەستەلىكتەردى ەسكە تۇسىرە بەرەسىز.

اينالاڭىزداعى باسقا ادامدارعا وزىڭىزبەن تانىسۋعا مۇمكىندىك تە بەرمەيسىز. ەندەشە، ونى ۇمىتۋعا كومەكتەسەتىن كەڭەستەر ۇسىنامىز.

سۇيىكتى ادامىڭىزدى جانە ارادا بولعان سەزىمدى ءبىر كۇندە ۇمىتۋ مۇمكىن ەمەس. الايدا قازىر ومىرىڭىزدە جوق ادامدى ۇمىتۋ ءۇشىن جانە ول جايلى مۇلدەم ويلاماس ءۇشىن بىرنەشە قادام جاساي الاسىز.

1. اشۋ ونى ۇمىتۋعا كەدەرگى جاسايدى

كەيدە بىرەۋدى ۇمىتۋعا ءبىزدىڭ جەكە اشۋىمىز كەدەرگى بولادى. سوندىقتان ءوز-وزىڭىزبەن سويلەسىڭىز، مەديتاتسيا تەحنيكالارىن قولدانىڭىز، جاتتىعۋ جاساڭىز، كوبىرەك سەرۋەندەڭىز جانە ايىرىلىسۋدى وتكەرۋگە كوبىرەك ۋاقىت بەرىڭىز.

2. كىنا سەزىمىنەن ارىلىڭىز

وتكەندى ەسكە الىپ، ءوزىڭىزدى ەندى وزگەرتە المايتىن نارسەلەر ءۇشىن كىنالاۋدىڭ ەش پايداسى جوق. ەشكىم ءوز ارەكەتى قانداي سالدارعا اكەلەتىنىن ناقتى بىلمەيدى. «جامان» نارسەلەر كۇتپەگەن جەردەن ورىن الادى. ادامدار باسقاشا ارەكەت ەتكەندە قازىرگى بولعان جاعدايدى بولدىرماس ەدىم دەپ ويلاۋعا بەيىم كەلەدى. ءبىراق ءبىز 5 مينۋت بۇرىن بولعان نارسەنى دە، ءبىر كۇن بولعان نارسەنى دە وزگەرتە المايمىز. سوندىقتان كىنا سەزىمىنەن ارىلىڭىز.

3. كەشىرىڭىز

ۋايىمعا سالىنىپ، ءوزىڭىزدى اياپ، العان زاقىمىڭىزعا زەيىن اۋدارۋدىڭ قاجەتى جوق. ءيا، بۇل ءسىزدىڭ باسىڭىزدان ءوتتى جانە ول اۋىر بولدى. الايدا ەگەر ءوز-وزىڭىزگە كەلىپ، ول جايلى ويلاۋدى دوعارعىڭىز كەلسە، كەشىرىڭىز دە، جىبەرىڭىز. بەتپە-بەت ودان كەشىرىم سۇراۋدىڭ نەمەسە ونىڭ سىزگە كەلىپ، كەشىرىم سۇراعانىن كۇتۋدىڭ قاجەتى جوق. الايدا ءوزىڭىزدىڭ ىشكى جان-دۇنيەڭىز ءۇشىن كەشىرۋ ماڭىزدى. قايعىسىز ءومىر ءسۇرۋ ءۇشىن جانە وتكەن ومىرگە بايلانىپ قالماس ءۇشىن كەشىرۋىڭىز كەرەك.

4. حوببي تابىڭىز

كەي پسيحولوگتار بۇرىنعى جىگىتىڭىزدى ۇمىتۋ ءۇشىن كۇن تارتىبىڭىزگە وزگەرىس ەنگىزۋگە كەڭەس بەرەدى. وزىڭىزگە جاڭا حوببي تابىڭىز. مىسالى، فيتنەسكە بارىڭىز. سپورتپەن اينالىسىڭىز، ودان تەك وزىڭىزگە سەنىمدى بولا ءتۇسىپ قانا قويماي، ودان جاعىمدى ەموتسيالار مەن ەنەرگيا الاسىز.

5. ادامدارمەن ارالاسىڭىز

كوپتەگەن قىز جىگىتىمەن ايىرىلىسقاننان كەيىن جالعىز قالۋدى ءجون كورەدى. الايدا ولايشا ءسىزدى ول جايلى ويلار مازالايتىن بولادى. ونى وتكەندە قالدىرۋىڭىز كەرەك. ادامدارمەن ارالاسىڭىز، دوستارىڭىزبەن كەزدەسىڭىز. ءبىر كەزدەرى ءسىز ءۇشىن قىمبات بولعان ادامدى ۇمىتۋ ءۇشىن شىدامدىلىق پەن ۋاقىت قاجەت ەكەنىن قابىلداڭىز. سونداي-اق ول جايلى بەلگى بەرەتىن جانە ونى ەسكە تۇسىرەتىن نارسەلەردى ادەيى ىزدەۋدىڭ قاجەتى جوق.

massaget.kz