ورالدا پارا الدى دەپ ايىپتالعان پوليتسيا شەنەۋنىگى 5 جىلعا سوتتالدى
ورال قالالىق سوتىنىڭ باسپا ءسوز قىزمەتىنەن ءمالىم ەتكەنىندەي، پوليتسيا شەنەۋنىگى ق ر ق ك 24-بابى 3-بولىگى - 366-بابى 2-بولىگىنە (پارا الۋعا وقتالۋ) سايكەس ايىپتى دەپ تانىلىپ، 5 جىلعا باس بوستاندىعىنان ايىرۋ جازاسىن قاۋىپسىزدىگى ورتاشا قىلمىستىق-اتقارۋ جۇيەسى مەكەمەسىندە وتەۋگە سوتتالدى.
ول سونداي-اق ءومىر بويىنا مەملەكەتتىك قىزمەت اتقارۋ قۇقىعىنان جانە پوليتسيا پولكوۆنيگى شەنىنەن ايىرىلدى.
سوتتا انىقتالعانىنداي، ورال قالاسى پوليتسيا باسقارماسىنىڭ باستىعى قىزمەتىن اتقارىپ جۇرگەن باسشى شەنەۋنىك وتكەن جىلعى 3-اقپان كۇنى شامامەن ساعات 22.52-دە جەدەل تەرگەۋ ءىس- شارالارى بارىسىندا ا. چەرەكايەۆ كوشەسى 52-ءۇيدىڭ اۋلاسىندا نيكولاي كارپوۆتان تالاپ ەتىلگەن قارجىنىڭ ءبىر بولىگى - 450 مىڭ تەڭگەنى (4 ميلليون تەڭگە دەپ كورسەتىلگەن) الۋ ۇستىندە قولعا تۇسكەن. بۇل قارجىنى ول ن. كارپوۆتان زاڭسىز ءىس-ارەكەتتەرى ءۇشىن العان.
اتاپ ايتقاندا، ەسىرتكىگە تاۋەلدى ادامدارعا ترامادول جانە باسقا پسيحوتروپتىق پرەپاراتتاردى زاڭسىز وتكىزۋ بويىنشا ن. كارپوۆقا قاتىستى قۇقىقبۇزۋشىلىقتى اشپاۋ، ونى ۇستاماۋ، قۇزىرەتتى ورگاندارعا اكىمشىلىك جاۋاپكەرشىلىككە تارتۋ ءۇشىن ماتەريالدى جولداماۋ، سونداي-اق جالپى قامقورشىلىق كورسەتكەنى ءۇشىن ۇستالعان.
ە. بولاتوۆتىڭ 7 ميلليون تەڭگە كولەمىندە پارا الۋعا باعىتتالعان قىلمىستىق ءىس-ارەكەتى ونىڭ وزىنە بايلانىستى ەمەس ءمان-جايلار بويىنشا اياعىنا دەيىن جەتپەدى.
سوت ۇكىمى كۇشىنە ەنگەن جوق.
ەسكە سالا كەتەيىك، بۇدان بۇرىن ورال قالاسى پوليتسيا باسقارماسى باستىعىنىڭ ورىنباسارى پارا الدى دەگەن كۇدىكپەن ۇستالعانىن جازعان بولاتىنبىز.
سونداي-اق ورالدا كاسىپكەردى ولتىرگەن سوتتالۋشىنىڭ ءبىرى اپەللياتسيالىق شاعىم ءتۇسىردى.
