استانا تۇرعىنى تاكسيمەن 5 كەلىگە جۋىق ماريحۋانا اكەلە جاتقان
«مەركى - شۋ - بۋرىلبايتال» تراسساسىنىڭ 260-شاقىرىمىندا اۋماقتى پاترۋلدەۋ كەزىندە پوليتسيا قىزمەتكەرلەرى «Honda Accord» ماركالى اۆتوكولىگىن توقتاتتى. كولىكتىڭ باگاجىنان جولاۋشى بولىپ كەلە جاتقان استانا قالاسىنىڭ 38 جاستاعى تۇرعىنىنا تيەسىلى، جالپى سالماعى 4 كەلى 700 گرام كەپتىرىلگەن ماريحۋانا سالىنعان پوليەتيلەن پاكەت تابىلدى. ۇستالعان ادام ءوز كىناسىن تولىعىمەن مويىندادى.
اتالعان دەرەككە قاتىستى قر قىلمىستىق كودەكسىنىڭ 296-بابى 4-بولىگى، ياعني ەسىرتكى، پسيحوتروپتىق زاتتارمەن، سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ بويىنشا سوتقا دەيىنگى تەرگەپ-تەكسەرۋ امالدارى جۇرگىزىلەدى.
وسى باپتىڭ سانكتسياسى 3 جىلدان 7 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازانى كوزدەيدى»، - دەپ حابارلادى جامبىل وبلىستىق پوليتسيا دەپارتامەنتىنىڭ باسپا ءسوز قىزمەتىنەن.
ايتا كەتەيىك، بۇعان دەيىن جامبىل وبلىسىندا تاسجول جيەگىنەن قارۋ-جاراق تابىلعانىن جازعان بولاتىنبىز.
