بەيجىڭدەگى قازاق بالالارىن دامىتۋ ورتالىعىنا 5 جىل تولدى
پەداگوگتەر بالالارعا ارناپ، «تۇساۋ كەسۋ» ءداستۇرىن كورسەتتى. قازاق ءتىلى مەن ءداستۇرىن ناسيحاتتاۋعا باعىتتالعان ورتالىق مەكتەپ جاسىنا دەيىنگى بۇلدىرشىندەردى قابىلدايدى. ءتىل ساباقتارىمەن قاتار، شاحمات جانە سۋرەت سالۋ كۋرستارىن وتكىزەدى.
مەكەمە 2018 -جىلدىڭ ءساۋىر ايىندا قازاقستاننىڭ قىتاي حالىق رەسپۋبليكاسىنداعى ەلشىلىگىنىڭ جانىنان اشىلدى. وسى ۋاقىت ىشىندە ديپلوماتتاردىڭ بالالارى عانا ەمەس، بەيجىڭدەگى قازاق دياسپوراسىنىڭ وكىلدەرى، قىرعىزستان، تاجىكستان، ءازىربايجان، ءۇندىستان، پاكىستان جانە ۋكراينا ازاماتتارىنىڭ بالالارى دا ءتالىم الدى.
بيبىگۇل ءبورىباي، قازاقستان ازاماتى:
- قۋانىشتا تۇرمىن، العىسىم شەكسىز. مىناداي باسقا ەلدە، باسقا جەردە تۇرىپ، وسى جەردەگى بالالاردىڭ ءتىلى قازاقشا شىقسىن دەپ ەلشىلىكتىڭ اتىنان وسىنداي «بالدىرعان» بالا باقشاسى قۇرىلدى. بويىنا ۇلتتىق رۋحتا سانا تاربيە بەرىپ جاتقان، ءوز انا تىلىندە سويلەتۋگە دارىپتەپ جاتقان بالا باقشا ۇيىمىنا العىسىم وتە شەكسىز. بۇگىن مەنىڭ جيەنىم، قىزىمنىڭ، ءبىزدىڭ ءوزىمىزدىڭ العاشقى جيەنىمىز، سونىڭ وسى كەزدە تۇساۋى كەسىلدى، سول جاقسى باستاما، جاقسى ىرىم دەپ ەسەپتەيمىن.
www.24.kz
