پرەزيدەنتتىڭ قاتىسۋىمەن 5- مامىر كۇنى بۇكىلارميالىق كەڭەس وتەدى
2- مامىر كۇنى پرەزيدەنت سىرتقى ساۋدا، ەكونوميكالىق تارتىمدىلىق جانە شەتەلدەگى فرانسۋز ازاماتتارىنىڭ ىستەرى جونىندەگى مينيستر-دەلەگات، قازاقستان-فرانسيا ۇكىمەتارالىق كوميسسياسىنىڭ تەڭ ءتوراعاسى وليۆە بەشتتى قابىلدايدى.
كەزدەسۋ بارىسىندا قاسىم-جومارت توقايەۆتىڭ بىلتىر قاراشا ايىندا فرانسياعا رەسمي ساپارى بارىسىندا قول جەتكىزىلگەن ۋاعدالاستىقتاردى جۇزەگە اسىرۋ ماسەلەلەرى تالقىلانادى دەپ جوسپارلانىپ وتىر.
3- مامىردا مەملەكەت باسشىسى فيفا پرەزيدەنتى دجانني ينفانتينونى قابىلدايدى.
3-4- مامىردا استاناعا قاسىم- جومارت توقايەۆتىڭ شاقىرۋىمەن تاجىكستان پرەزيدەنتى ەمومالي راحمون مەملەكەتتىك ساپارمەن كەلەدى.
ەكى ەل باسشىلارى شاعىن جانە كەڭەيتىلگەن قۇرامدا وتەتىن كەلىسسوزدەر بارىسىندا قازاقستان مەن تاجىكستان اراسىنداعى ستراتەگيالىق سەرىكتەستىكتى ودان ءارى نىعايتۋ پەرسپەكتيۆالارىن تالقىلايدى.
5- مامىردا پرەزيدەنت - جوعارعى باس قولباسشى قاسىم-جومارت توقايەۆتىڭ قاتىسۋىمەن بۇكىلارميالىق كەڭەس وتەدى.
جيىن بارىسىندا اسكەري سالانى دامىتۋعا جانە اسكەر دايىندىعىنا، سونداي-اق قازاقستان ارمياسىن تەحنولوگيالىق تۇرعىدا جاڭعىرتۋعا قاتىستى ماسەلەلەر قاراستىرىلادى.