قىزىلوردادا 5 وقۋشى ۇرىپ-سوققان جاس ءوسپىرىمنىڭ دەنساۋلىق جاعدايى بەلگىلى بولدى
ايتا كەتسەك، الەۋمەتتىك جەلىدە جاس ءوسپىرىمدى بەلگىسىز ازاماتتاردىڭ ۇرىپ-سوعىپ جاتقانى جونىندە بەينەكورىنىس جاريالانعان ەدى. وسى ماقساتتا قازالى اۋداندىق پوليتسيا ءبولىمى قوسىمشا تەكسەرۋ جانە الەۋمەتتىك جەلىلەردە مونيتورينگ جۇرگىزدى.
جاس ءوسپىرىمدى ۇرىپ-سوققان 5 وقۋشى انىقتالىپ، اۋداندىق پوليتسيا بولىمىنە جەتكىزىلدى.
جاراقات العان جاس ءوسپىرىمنىڭ دەنساۋلىق جاعدايى جونىندە وبلىستىق دەنساۋلىق ساقتاۋ باسقارماسى ايتىپ بەردى.
6-ساۋىردە ساعات 16:00 شاماسىندا قىزىلوردا وبلىسى قازالى اۋدانىندا 15 جاستاعى جاس ءوسپىرىم جەدەل جاردەم بريگاداسى ارقىلى اۋداندىق كوپبەيىندى ورتالىق اۋرۋحاناسىنا جەتكىزىلگەن.
«اۋرۋحانانىڭ قابىلداۋ بولىمىندە تەكسەرىلىپ، باس مي سوعىلۋ كلينيكاسىمەن حيرۋرگيا بولىمىنە جاتقىزىلعان. 8-ساۋىردە ساعات 10:35-تە اتا-اناسىنىڭ وتىنىشىمەن قازالى اۋداندىق تەمىرجول اۋرۋحاناسىنا اۋىستىرىلدى. ءتيىستى مەديتسينالىق كومەك ۇيىمداستىرىلدى. باس سۇيەگىنىڭ رەنتگەنوگرافياسى، كومپيۋتەرلى توموگرافياعا ءتۇسىرىلدى. سونداي-اق، ءىش قۋىسىنىڭ، بۇيرەك ۋلترادىبىستىق زەرتتەۋلەرى جۇرگىزىلدى. نەۆرولوگ، وكۋليست ماماندارى ناۋقاستىڭ دەنساۋلىق جاعدايىن تەكسەردى. جالپى جاعدايى تۇراقتى. وبلىستىق مەديتسينالىق اۆياتسيا ارقىلى سالا ماماندارىنان كەڭەس الىنىپ، ەمىنە كوررەكسيا جاسالدى. ناۋقاس دارىگەرلەر باقىلاۋىندا»، - دەدى باسقارمادان.
