ستەندتىك اتۋدان ازيا كۋبوگىندە قازاقستاندىق مەرگەندەر 5 مەدال الدى
بۇل تۋرالى مادەنيەت جانە سپورت ءمينيسترى اسحات ورالوۆ الەۋمەتتىك جەلىدەگى پاراقشاسىندا جازدى، دەپ حابارلايدى قازاقپارات.
«قۋانىشتى جاڭالىق! قازاقستاندىق مەرگەندەر كەزەكتى رەت ەڭ بەدەلدى حالىقارالىق جارىستا ەلىمىزدىڭ نامىسىن ابىرويمەن قورعاپ، لايىقتى ونەر كورسەتتى. كۋۆەيتتە ءوتىپ جاتقان ستەندتىك اتۋدان ازيا كۋبوگىندە ءبىزدىڭ سپورتشىلار 5 مەدال جەڭىپ الدى: 2 «التىن»، 1 «كۇمىس» جانە 2 «قولا». بارلىق جۇلدەنى «سكيت» جاتتىعۋىندا - دوڭگەلەك ستەندتە اتۋدان جەڭىپ الدى.
شىمكەنت قالاسىنىڭ مەرگەنى ولگا پانارينا جەكەلەي جانە اسەم ورىنباي، زويا كراۆچەنكو سىندى سپورتشىلاردان جاساقتالعان قۇراما كوماندالىق جارىستا التىن الدى.
ەدۋارد ەشەنكو، يۋنۋس ماچجون جانە ارتەم سەدەلنيكوۆ باستاعان ەرلەر قۇراماسى كۇمىس جۇلدەگە يە بولدى. بۇل جولى اسەم ورىنباي مەن ەدۋارد ەشەنكو قولا جۇلدەگە قول جەتكىزدى.
قازاقستان سپورتشىلارىنىڭ سوڭعى جەتىستىكتەرى (مىسالى، الەم كۋبوگىنىڭ جالپى مەدالدىق ەسەبىندە ءبىرىنشى ورىن) كەزدەيسوقتىق ەمەس ەكەنىن تاعى دا كورسەتتى. بۇل - پاريج وليمپياداسى قارساڭىنداعى ءسوزسىز زور قۋانىش.
ءوتىپ جاتقان تۋرنير بارىسىندا ءبىزدىڭ مەرگەندەر جەڭىس تۇعىرىنا تاعى بىرنەشە رەت كوتەرىلەتىنىنە سەنىمدىمىن!» - دەپ جازعان مينيستر سپورتشىلارىمىزعا ساتتىلىك تىلەپ، بارلىق قازاقستاندىق جانكۇيەرلەردى ازيا كۋبوگىنىڭ ءساتتى باستالۋىمەن قۇتتىقتاعان.
