بيىل استانا، الماتى جانە شىمكەنت 5 جي ينتەرنەتپەن قامتىلادى
بۇل تۋرالى ق ر سيفرلىق دامۋ مينيسترلىگىنىڭ تەلەكوممۋنيكاتسيا كوميتەتىنىڭ ءتوراعاسى ەرجان مەيراموۆ ءمالىم ەتتى، دەپ حابارلايدى قازاقپارات ءتىلشىسى.
«5G ەنگىزۋ رەسپۋبليكالىق ماڭىزى بار 3 قالادا (استانا، الماتى، شىمكەنت) پيلوتتىق رەجيمدە ءجۇرىپ جاتىر. وتكەن جىلدىڭ جەلتوقسانىندا 5G راديوجيىلىكتەرىنە اۋكتسيون ۇيىمداستىرىلدى. سونىمەن قاتار بايلانىس وپەراتورلارىنا ليتسەنزيالىق مىندەتتەر جۇكتەلدى. وعان سايكەس بيىل جىل سوڭىنا دەيىن استانا، الماتى جانە شىمكەنت قالاسى %15 5G ينتەرنەتپەن قامتىلۋى ءتيىس. ال 2027 -جىلعا قاراي اتالعان قالالاردىڭ %75 ىنا 5G ەنگىزىلەدى. سول سياقتى 2024 -جىلدان باستاپ 5G وبلىس ورتالىقتارىنا ەنگىزىلە باستايدى»، - دەدى ەرجان مەيراموۆ اتالعان مينيسترلىكتىڭ كەڭەيتىلگەن القا وتىرىسىنان كەيىن باق وكىلدەرىنىڭ ساۋالىنا جاۋاپ بەرە تۇرىپ.
ايتا كەتسەك، ۇكىمەت باسشىسى ەلىمىزدە 5G ەنگىزۋدى 2027 -جىلعا دەيىن اياقتاۋدى تاپسىرعان ەدى.
«مينيسترلىك ۇيالى بايلانىس پەن ينتەرنەتتىڭ ساپاسىنا تالداۋ جۇرگىزۋى قاجەت. سونىڭ نەگىزىندە ءتيىستى ءىس- شارالار ازىرلەنىپ، ول «قولجەتىمدى ينتەرنەت» ۇلتتىق جوباسى شەڭبەرىندە قابىلدانۋى ءتيىس. بۇگىندە ەلىمىزدە 5G ۇيالى بايلانىسىن ەنگىزۋ جۇمىستارى ءجۇرىپ جاتىر. ءبىرىنشى كەزەكتە رەسپۋبليكالىق ماڭىزى بار قالالار مەن وبلىس ورتالىقتارىن قامتۋ جوسپارلانىپ وتىر. اتالعان جۇمىس 2027 -جىلى اياقتالۋى كەرەك»، - دەگەن مىندەت جۇكتەدى ءاليحان سمايىلوۆ.
ەسكە سالايىق، بىلتىر جەلتوقساندا ەلىمىزدە العاش رەت 5G ءۇشىن راديوجيىلىكتەرگە اشىق اۋكسيون وتكەن ەدى.