بۇرقاسىن، ەكپىندى جەل: 5 وڭىردە ەسكەرتۋ جاريالاندى

None
استانا. قازاقپارات - «قازگيدرومەت» ر م ك 23-قاڭتاردا اۋا رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى قازاقپارات.

كۇندىز اقمولا وبلىسىنىڭ سولتۇستىگى مەن شىعىسىندا جاياۋ بۇرقاسىن كۇتىلەدى. باتىستان، سولتۇستىك- باتىستان جەل سوعادى، وبلىستىڭ شىعىسىندا ەكپىنى 15-20 م/س قۇرايدى.

سولتۇستىك قازاقستان وبلىسىنىڭ وڭتۇستىك- شىعىسىندا جاياۋ بۇرقاسىن بولادى. باتىستان، سولتۇستىك- باتىستان جەل سوعادى، ءوڭىردىڭ وڭتۇستىك- شىعىسىندا كۇشى 15-20 م/س قۇرايدى.

تۇركىستان وبلىسىنىڭ وڭتۇستىگىندە تۇمان بولجانادى. شىعىستان جەل سوعادى، وبلىستىڭ سولتۇستىگىندە، تاۋلى اۋداندارىندا 15-20 م/س جىلدامدىقتا جەل سوعادى. تۇندە جانە تاڭەرتەڭ تاۋ اسۋلارىندا ەكپىنى 23-28 م/س ارتادى.

پاۆلودار وبلىسىنىڭ سولتۇستىگىندە، باتىسىندا جاياۋ بۇرقاسىن كۇتىلەدى. باتىستان جەل سوعادى، وبلىستىڭ سولتۇستىگى مەن باتىسىندا ەكپىنى 15-20 م/س قۇرايدى.

جامبىل وبلىسىنىڭ وڭتۇستىك- باتىسىندا، سولتۇستىك- شىعىسى مەن تاۋلى اۋداندارىندا سولتۇستىك- شىعىستان جەل سوعادى، كۇشى 15-20 م/س قۇرايدى. تۇندە 23 قاڭتاردا ەكپىنى 23-28 م/س ارتادى.

سوڭعى جاڭالىقتار