تالدىقورعاندا سۋديا 5 جىلعا باس بوستاندىعىنان ايرىلدى

ا. تۇمەنبايەۆا ق ر ق ك 190-بابى (الاياقتىق) بويىنشا كىنالى دەپ تانىلدى. جەتىسۋ وبلىستىق سىبايلاس جەمقورلىققا قارسى ءىس-قيمىل دەپارتامەنتى باسپا ءسوز قىزمەتىنىڭ مالىمەتىنشە، ول قىزمەتتىك بابىن پايدالانا وتىرىپ، الاياقتىق جولمەن پارا العان. وعان مەملەكەتتىك قىزمەت اتقارۋعا ءومىر بويىنا تىيىم سالىندى.

«ا. ك. تۇمەنبايەۆا ادۆوكات ا. د. تازابەكوۆ جانە ج. ت. جانپەيىسوۆ ارقىلى «Good Zhem» ج ش س باسشىسى ا. ە. پاكتان ازاماتتىق ءىس بويىنشا وڭ شەشىم شىعارۋ ءۇشىن 1,5 ميلليون تەڭگە العان.

سول ۇكىممەن ا. ە. پاك پارا بەرۋگە وقتالعانى ءۇشىن مەملەكەتتىك قىزمەتتە جانە كوممەرتسيالىق ۇيىمداردا قىزمەت اتقارۋ قۇقىعىنان ءومىر بويىنا جانە 4 جىلعا باس بوستاندىعىنان ايرىلدى»، - دەلىنگەن دەپارتامەنتتىڭ باسپا ءسوز حابارلاماسىندا.

ۆەدومستۆونىڭ اقپاراتىنا سايكەس، سوت ادۆوكات ا. تازابەكوۆ پەن ازامات ج. جانپەيىسوۆتى پاراقورلىققا دەلدالدىق جاساعانى ءۇشىن كىنالى دەپ تانىدى. ءبىراق، ولارعا قاتىستى ءىس ق ر 2021-جىلعى 7- جەلتوقسانداعى 81-VII№ ق ر تاۋەلسىزدىگىنىڭ وتىز جىلدىعىنا بايلانىستى راقىمشىلىق جاساۋ اكتىسى نەگىزىندە توقتاتىلدى.

ۇكىم زاڭدى كۇشىنە ەنگەن جوق.