استانادا اۋىل ايەلدەرىنىڭ 5- فورۋمى وتەدى
استانا. قازاقپارات – 11-قاراشا كۇنى ەلوردادا قازاقستان اۋىل ايەلدەرىنىڭ V رەسپۋبليكالىق فورۋمى وتەدى، دەپ حابارلايدى قازاقپارات ءتىلشىسى.
بەسىنشى فورۋم اۋىلداعى ايەلدەردىڭ كاسىپكەرلىگىنە ارنالادى جانە جيىندى وتاندىق جانە حالىقارالىق سپيكەرلەردىڭ قاتىسۋىمەن وتەتىن «ورتا ازيا ايەلدەرى» سەسسياسى اشادى.
«بيىل فورۋم بەسىنشى رەت ۇيىمداستىرىلادى. وعان دايىندىق رەتىندە ءار وڭىردە وبلىس اكىمدىكتەرى تاراپىنان ىرىكتەۋ جۇمىستارى جۇرگىزىلەدى. ءار وبلىستان 10 ايەل قاتىسادى، ونىڭ ىشىندە دارىگەر، ءمۇعالىم، كاسىپكەر، اۋىل شارۋاشىلىعىمەن اينالىساتىن قىزمەتكەر، حالىققا قىزمەت كورسەتۋ ورتالىعىنىڭ قىزمەتكەرى دە بار. 17 وڭىردەن 170 كە جۋىق ايەل قاتىسادى. ودان بولەك، بيىل 20 ايەلگە ماراپات بەرىلەدى. فورۋم اياسىندا ءارتۇرلى ماسەلەلەر تالقىلانادى. مىسالى، كاسىپكەرلىكتەن بولەك، اۋىلداعى جاعدايدى قالامەن سالىستىرۋعا بولمايدى. ينفراقۇرلىم، ءبىلىم دەڭگەيى، اقپاراتتىڭ باياۋ جەتكىزىلۋى سياقتى ماسەلەلەر بويىنشا پىكىرتالاس ۇيىمداستىرىلادى. فورۋم قورىتىندىسى بويىنشا ۇكىمەتتىك ۇيىمدار ءۇشىن قارار قابىلدانادى»، - دەدى «جاسىل ەكونوميكا جانە G- Global-دى دامىتۋ كواليسياسى» زتب اتقارۋشى ديرەكتورى اسحات سۇلەيمەنوۆ ورتالىق كوممۋنيكاتسيالار قىزمەتىندە.
فورۋمدى ۇيىمداستىرۋ كوميتەتىنىڭ ءتوراعاسى مايرا ايسينانىڭ ايتۋىنشا، ەلدەگى ايەلدەردىڭ جارتىسىنا جۋىعى اۋىلدا تۇرادى.
«قالاداعى ايەلدەرمەن سالىستىرعاندا ولارعا اقپاراتقا قول جەتكىزۋ قيىنىراق. اۋىل ايەلدەرىنىڭ الەۋەتى ءالى تولىق اشىلماعان نەمەسە ءتيىمسىز، ۇتىمسىز پايدالانىلىپ كەلەدى. اۋىلداعى ايەلدەردىڭ ەڭبەگى كۇردەلى، ولارعا جاڭا تەحنولوگيالار»، جاسىل«شەشىمدەر جەتىسپەيدى»، - دەيدى م. ايسينا.
باعدارلاماعا سايكەس فورۋمنىڭ ءبىرىنشى كۇنى ق ر پرەزيدەنتى جانىنداعى ايەلدەر ىستەرى جانە وتباسى- دەموگرافيالىق ساياسات جونىندەگى ۇلتتىق كوميسسيا وكىلدەرىنىڭ، بەيىندى مينيسترلىكتەر باسشىلىعىنىڭ جانە حالىقارالىق ۇيىمدار وكىلدەرىنىڭ قاتىسۋىمەن «گەندەرلىك تەڭدىك كونتەكستىندەگى اۋىلداعى ايەلدەر كاسىپكەرلىگى» اتتى پلەنارلىق وتىرىس وتەدى.
سونىمەن بىرگە، فورۋمدا «اسقار شىڭدارعا تۋ تىككەن اۋىل ايەلدەرى» /«100 يستوريي ۋسپەحا» كىتابىنىڭ ءتورتىنشى باسىلىمى كوپشىلىككە تانىستىرىلادى.
«Coca-Cola بەلەستەرى - 2022» كاسىپكەرلىكتى جاڭادان باستاعان ايەلدەر اراسىنداعى ۇزدىك بيزنەس- يدەيا بايقاۋىنىڭ 20 جەڭىمپازىن ماراپاتتايدى جانە سالتانات راحىمبەكوۆا اتىنداعى گرانتتى تاپسىرۋ ءراسىمى جوسپارلانعان.
ق ر پارلامەنتى سەناتى دەپۋتاتتارىنىڭ، شەتەلدىك قوناقتاردىڭ قاتىسۋىمەن «ورتالىق ازيا ايەلدەرى: مادەني قۇندىلىقتار مەن داستۇرلەردى ساقتاي وتىرىپ، تابىسقا جانە گەندەرلىك تەڭدىككە قول جەتكىزۋ» اتتى پانەلدىك (ءازىربايجان، قىرعىزستان، تاجىكستان) سەسسيا وتەدى.
تۇستەن كەيىن فورۋمدا «قازاقستانداعى اۋىل كاسىپكەرلىگى: پروبلەمالار، پەرسپەكتيۆالار جانە ايەلدەردىڭ ءرولى»، «اۋىلعا ارنالعان «جاسىل» شەشىمدەر»، «اۋىلداعى ءومىر ءسۇرۋ جاعدايلارى: بىرلەسكەن كۇش- جىگەرمەن اۋىلدى قالاي جاقسارتامىز؟» تاقىرىپتارى كوتەرىلەدى.
ساراپتاما الاڭدارىندا اۋىلداعى كاسىپكەرلىك ماسەلەلەرى جانە مەملەكەتتىك قولداۋ شارالارى، اۋىلداعى تۇرمىستى قامتاماسىز ەتۋدىڭ زاماناۋي ينفراقۇرىلىمىن قۇرۋ، ينفراقۇرىلىمدىق پروبلەمالار، سۋ رەسۋرستارى، كليماتتىڭ وزگەرۋى قارالادى.
