پرەزيدەنتتىڭ 5 شەتەلدىك ج و و فيليالىن اشۋ تاپسىرماسى قالاي ورىندالىپ جاتىر

«2025 -جىلعا قاراي ەلىمىزدە بەدەلدى شەتەلدىك ۋنيۆەرسيتەتتەردىڭ كەمىندە 5 فيليالىن اشۋ قاجەت دەپ سانايمىن. بۇل رەتتە تەحنيكالىق باعىتتاعى جوعارى وقۋ ورنىنىڭ ەكى فيليالىن ەلىمىزدىڭ باتىسىندا اشۋ كەرەك»، - دەگەن ەدى مەملەكەت باسشىسى پارلامەنت ءماجىلىسىنىڭ پلەنارلىق وتىرىسىندا.

مينيسترلىك مالىمەتىنشە، بۇگىنگە دەيىن شەتەلدىك 3 ج و و- نىڭ فيليالدارى اشىلدى، ولار - «ماسكەۋ ينجەنەرلىك- فيزيكا ينستيتۋتى» ۇلتتىق يادرولىق زەرتتەۋ ۋنيۆەرسيتەتى (رەسەي)؛ م. گۋبكين اتىنداعى رەسەي مۇناي جانە گاز ۋنيۆەرسيتەتى؛ اريزونا ۋنيۆەرسيتەتى (ا ق ش) .

اتاپ ايتقاندا، الماتىداعى ءال- فارابي اتىنداعى قازۇۋ بازاسىندا «م ي ف ي» ۇلتتىق يادرولىق زەرتتەۋ ۋنيۆەرسيتەتىنىڭ (ر ف) فيليالى اشىلدى. بيىل 100 گرانت ءبولىندى، سونداي- اق اقىلى وقۋعا تۇسۋگە مۇمكىندىك بار. وقىتۋ 1-قازاندا باستالادى. ستۋدەنتتەر «ەلەمەنتار بولشەكتەر فيزيكاسى جانە كوسموفيزيكا» (باكالاۆريات)، «قورعالعان جوعارى ءونىمدى ەسەپتەۋ جۇيەلەرى» (باكالاۆريات، ماگيستراتۋرا) باعدارلامالارى بويىنشا وقيتىن بولادى.

اتىراۋ قالاسىندا س. وتەبايەۆ اتىنداعى اتىراۋ مۇناي جانە گاز ۋنيۆەرسيتەتىنىڭ بازاسىندا م. گۋبكين اتىنداعى رەسەي مۇناي جانە گاز ۋنيۆەرسيتەتىنىڭ فيليالى اشىلدى. بيىل 200 گرانت ءبولىندى. ستۋدەنتتەر «مۇناي- گاز قۇبىرلارى مەن مۇناي- گاز قويمالارىن سالۋ جانە پايدالانۋ»، «مۇناي- گاز تەحنولوگيالارى»، «مۇناي مەن گازدىڭ تابيعي رەزەرۆۋارلارىن گەولوگيالىق مودەلدەۋ» دايىندىق باعدارلامالارى بويىنشا وقيدى.

kozybayev University بازاسىندا اريزونا ۋنيۆەرسيتەتىنىڭ (ا ق ش) قوس ديپلومدى ءبىلىم بەرۋ باعدارلاماسى ىسكە قوسىلدى. بيىلعى جىلى ۋنيۆەرسيتەتكە ەلىمىزدىڭ تۇكپىر- تۇكپىرىنەن 170 ۇمىتكەر وقۋعا ءتۇستى، ونىڭ 45 قوس ديپلوم باعدارلاماسى بويىنشا. ستۋدەنتتەر IT، ينجەنەريا، اگروتەحنولوگيا جانە ءبىلىم بەرۋ باعىتتارى بويىنشا قازاق، ورىس، اعىلشىن تىلدەرىندە وقيدى.