اقمولالىق تۇرعىن 5 جىل بۇرىن ادام ولتىرگەنىن مويىنداپ، پوليتسيا بولىمشەسىنە ءوزى باردى

نۇر-سۇلتان. قازاقپارات - اقمولا وبلىسىنىڭ 53 جاستاعى تۇرعىنى بەس جىل بۇرىن جاساعان قىلمىسىن مويىندادى.

كۇدىكتى اتباسار اۋداندىق پوليتسيا بولىمشەسىنە ءوزى كەلگەن، - دەپ حابارلايدى Kazakh24.info.

«ەر ادام 2017-جىلى سەلينوگراد اۋدانى تالاپكەر اۋىلىندا 49 جاستاعى ەر ادامدى ءولتىرىپ، سالىنىپ جاتقان ءۇيدىڭ قابىرعاسىنا بەتونمەن كومگەنىن مويىندادى»، - دەدى اقمولا وبلىستىق پ د وكىلدەرى.

كۇدىكتى مارقۇممەن سوزگە كەلىسە الماي ءولتىرىپ تاستاعانىن ايتىپ، ونى كومگەن جەرىن كورسەتتى. مارقۇمنىڭ دەنەسىنىڭ قالعان بولشەكتەرى تەرگەۋ امالدارى كەزىندە تابىلدى. بۇگىندە سوت-مەديتسينالىق ساراپتاما تاعايىندالدى. وقيعا ورنىنان دالەل رەتىندە ءزىلبالعا الىندى. ەندى «ادام ءولتىرۋ» بابى بويىنشا سوتالدى تەرگەۋ ءجۇرىپ جاتىر.

كۇدىكتى ۋاقىتشا ۇستاۋ يزولياتورىنا قامالدى.