07:56, 25 - تامىز 2022 | GMT +5
جەتىسايدا 5 جاسار قىز بەن شاقالاقتى اتا-اناسى قۇلىپتاۋلى كولىكتە قالدىرىپ كەتكەن - ۆيدەو
جەتىساي. قازاقپارات - جەتىسايدا قۇلىپتالعان كولىك ىشىندە 5 جاسار قىز بەن شاقالاق ءسابي قالىپ قويعان، دەپ حابارلايدى Polisia.kz.
جەتىساي ا پ ب كەزەكشى بولىمىنە جەرگىلىكتى تۇرعىن، ياعني كۋاگەرلەردىڭ ءبىرى حابارلاسىپ، جەتىساي قالاسى كوشەلەرىنىڭ بىرىندە Toyota Camry كولىگىنىڭ ىشىندە 5 جاسار قىز بەن بوپەنىڭ قۇلىپتاۋلى قاپ كەتكەنىن ايتقان.
وقيعا ورنىنا بىردەن شىققان پوليتسەيلەر ءتيىستى تەكسەرىس جۇمىستارىن جۇرگىزدى.
ناتيجەسىندە بالالاردىڭ اتا-اناسى انىقتالىپ، جاۋاپ الىندى.
ەرلى-زايىپتىلاردىڭ ايتۋىنشا، ولار دياگنوستيكالىق ورتالىققا كەزەككە تۇرىپ كەلۋ ءۇشىن كەتكەن.
بۇل ارالىقتا 10 مينۋت شاماسىندا ۋاقىت وتكەن.
اتالعان جايت بويىنشا ءتارتىپ ساقشىلارى الداعى ۋاقىتتا بۇنداي جاعدايدىڭ قايتالانباۋى ءۇشىن كىشكەنتايلاردىڭ اتا- اناسىنا ءتۇسىندىرۋ جۇمىسىن جۇرگىزدى.
قازىرگى تاڭدا نارەستە مەن جاس ءوسپىرىم قىزدىڭ جاعدايى جاقسى. اتا-اناسىمەن بىرگە.
