زاڭسىز بەرىلگەن 5 ميلليون گەكتار اۋىل شارۋاشىلىعى جەرى مەملەكەتكە قايتارىلادى
قازاقستاننىڭ اۋىل شارۋاشىلىعى ءمينيسترى ەربول قاراشوكەيەۆ اۋىل شارۋاشىلىعى جەرلەرىن انىقتاۋ جانە قايتارۋ بويىنشا جۇرگىزىلىپ جاتقان جۇمىستاردىڭ ناتيجەلەرى تۋرالى ەسەپ بەردى. ونىڭ ايتۋىنشا، جىل باسىنان بەرى جانە 10 -تامىزداعى جاعداي بويىنشا كوميسسيا 1 5 ميلليون 119 مىڭ گەكتار جەردى مەملەكەتكە قايتاردى، بۇل وتكەن جىلمەن سالىستىرعاندا 2,7 ەسە كوپ. بىلتىر كورسەتكىش 400 مىڭ گا. كورسەتكەن بولاتىن.
«قازىرگى ۋاقىتتا 2 ميلليون 94 مىڭ گەكتار الاڭدا جەر پايدالانۋشىلارعا قاتىستى 724 جوسپاردان تىس تەكسەرۋ جۇرگىزىلۋدە، پروكۋراتۋرا ورگاندارىندا 698,4 مىڭ گا جەردى تەكسەرۋ بويىنشا 48 ءوتىنىش تىركەۋ ساتىسىندا تۇر»، - دەدى مينيستر.
بۇدان بولەك، جىل باسىنان بەرى ق ر ا ش م جەر رەسۋرستارىن باسقارۋ كوميتەتىنىڭ اۋماقتىق بولىمشەلەرى اكىمدىكتەردىڭ ۋچاسكەلەردى زاڭناما تالاپتارىن بۇزا وتىرىپ بەرگەن 74 فاكتىنى انىقتالدى.
«سونىمەن قاتار، مال جايۋ ءۇشىن 16 ميلليون گەكتار كولەمىندە جايىلىمداردىڭ جەتىسپەۋشىلىگى بايقالادى، بۇل جاعداي مال باسىنىڭ قىسقارۋىنا جانە اۋىلداعى الەۋمەتتىك نارازىلىقتىڭ وسۋىنە الىپ كەلەدى»، - دەپ تولىقتىردى ەربول قاراشوكەيەۆ.
جالپى، كوميسسيا 7,45 ميلليون گەكتار الاڭدا 2584 سۋبەكتىگە قاتىستى تەكسەرۋ جۇرگىزۋدى جوسپارلاپ وتىر، ونىڭ ىشىندە - 585,2 مىڭ گەكتار ەگىستىك پەن 6,86 ميلليون گەكتار جايىلىم جەر بار.
اۋىل شارۋاشىلىعى ءمينيسترى جەرگىلىكتى اكىمدىكتەردى پايدالانىلماي جاتقان اۋىل شارۋاشىلىعى القاپتارىن انىقتاۋ بويىنشا جۇمىسقا بەلسەندى قاتىسۋعا، سونداي- اق ا ش م گە جەر ۋچاسكەلەرى بويىنشا ۇسىنىلاتىن دەرەكتەردىڭ انىقتىعى مەن وزەكتىلىگىن باقىلاۋعا شاقىردى.
2022 -جىلى 9 -تامىزدا قازاقستان پرەزيدەنتى جەر زاڭناماسىنىڭ ساقتالۋىنا تەكسەرۋ جۇرگىزۋگە موراتوريدىڭ كۇشىن جويۋدى كوزدەيتىن جارلىققا قول قويعانى بەلگىلى.
بيىلعى جىلدىڭ سوڭىنا دەيىن مەملەكەت مەنشىگىنە پايدالانىلماي جاتقان جانە قولدانىستاعى زاڭنامانى بۇزا وتىرىپ بەرىلگەن 5 ميلليون گەكتارعا دەيىن اۋىل شارۋاشىلىعى جەرلەرىن قايتارۋ جوسپارلاپ وتىر.
رەداكتور
ەربول جانات
