عارىش مونيتورينگى ارقىلى 5 وڭىردەن ەسىرتكى القاپتارى انىقتالدى - باعدات مۋسين
بۇل تۋرالى Facebook تە ق ر ىشكى ىستەر مينيسترلىگىمەن بىرلەسە وتىرىپ اتقارىلعان جۇمىستار تۋرالى جازعان قر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ءمالىم ەتتى، دەپ حابارلايدى قازاقپارات.
«ءبىز ءىىم- مەن ەلەكتروندىق قۇجاتتاندىرۋ، جەدەل باسقارۋ ورتالىعى باعىتىندا عانا ەمەس، عارىش مونيتورينگى بويىنشا دا ارىپتەستىك ورناتقانبىز. قازاقستان عارىش ساپارى قۇقىق قورعاۋشى ورگاندارمەن بىرگە «قاراسورا» وپەراتسياسىنا قاتىسىپ، عارىش مونيتورينگى ارقىلى ەسىرتكى القاپتارىن انىقتاپ جاتىر. بيىل 686 مىڭ شارشى شاقىرىمعا مونيتورينگ جاسالىپ، 5 وڭىردەن كاننابيس ەگىلگەن جەرلەر تابىلدى. 2019 -جىلى كوسمومونيتورينگ ارقىلى 123 القاپ انىقتالعان»، - دەپ جازدى مينيستر.
ونىڭ سوزىنشە، عارىشتىق باقىلاۋ KazEOSat-1 جانە KazEOSat-2 سپۋتنيكتەرى، سونداي- اق شەتەلدىك سپۋتنيكتەر ارقىلى جۇرگىزىلەدى. مۇنداي القاپتار انىقتالعان جاعدايدا سول جەرگە قازاقستان عارىش ساپارىنىڭ قىزمەتكەرلەرى مەن ءى ءى م ارنايى بولىمشەسى جىبەرىلەدى.
«بۇل - ەرەكشە قاداعالاۋداعى ماسەلە. ءى ءى م- مەن بەلسەندى جۇمىستى ءارى قاراي جالعاستىرىپ، زاماناۋي تەحنولوگيالاردى قولدانۋ ارقىلى قىلمىسقا قارسى ءىس- شارالاردى جەتىلدىرۋگە اتسالىسا بەرەمىز»، - دەدى مۋسين.
