قانداي 5 كەزەڭنەن سۇرىنبەي وتكەن جۇپ ماڭگىلىك ماحابباتقا قول جەتكىزەدى؟

نۇر-سۇلتان. قازاقپارات – ماحاببات - بولجاۋعا، ولشەۋگە كەلمەيتىن قۇبىلىس.

ءسىز جۇلدىز- جورامالدان قاشان جانە قانداي جاعدايدا «ماڭگىلىك ماحابباتىڭىزدى» كەزدەستىرەتىنىڭىزدى سۇراپ جۇرگەندە، تاعدىر ءسىز ءۇشىن مۇلدەم باسقا سەناري دايىنداپ وتىرادى.

دەسە دە ءار جۇپتىڭ سەزىمى ءارتۇرلى جاعدايدا وربىگەنىمەن، ءبارىنىڭ ورتاق قاسيەتى، ءجۇرىپ وتەر جولى بار. پسيحولوگ ماماندار تەك ەڭ كۇشتى جۇپتار وتەتىن بەس كەزەڭ تۋرالى جازىپ ءجۇر. ماقالانى وقىپ، ءوزىڭىز قاي كەزەڭدە ەكەنىڭىزدى باقىلاپ كورىڭىز.

عاشىقتىق سەزىمى

عاشىق بولۋ وتە قىزىق. كوبى ءوزى ەشقاشان ارمانداماعان ادامدى ويلاماعان جەردەن ۇناتىپ جاتادى. ونىڭ الدىن الۋ نەمەسە باقىلاۋ مۇمكىن ەمەس. ونى حيميا دەپ اتايدى. ودان قۇتىلۋ مۇمكىن ەمەس. سەبەبى، ءبىز سانالى تاڭداۋعا ەمەس، ينستينكتكە باعىنامىز، ءبىراق ول ۋاقىتشا عانا قاناعاتتاندىرىلادى. وسى كەزەڭدە عاشىعىمىز بىزگە پلانەتاداعى ەڭ يدەال ادام بولىپ كورىنەدى ارينە، ماحاببات كەلەسى دەڭگەيگە وتكەنشە عانا.. . كەيدە عاشىقتىق ماحابباتقا ۇلاسپاي جاتادى.

قوسىلۋ

سۇيىسپەنشىلىگىمىزدى مويىنداعان كەزدە ءبىز سانالى تۇردە تاڭداۋ جاسايمىز. بۇل ءبىرىنشى كەزەڭ اياقتالعانىن بىلدىرەدى جانە ءبىز قارىم- قاتىناستى ودان ءارى جالعاستىرۋعا دايىن ەكەنىمىزدى تۇسىنەمىز. ءسىز ءومىرىڭىزدى عاشىعىڭىزعا بايلاپ، ورتاق جوسپارلار جاسايسىز، ءبىر- بىرىڭىزگە سەنىمدى بولاسىز، ءوسىپ، داميسىز. ءدال وسى كەزەڭدە كوپتەگەن ەرلى- زايىپتىلار بىرگە تۇرۋ جانە نەكەگە تۇرۋ تۋرالى شەشىم قابىلدايدى. ال ەگەر بۇل شىنىمەن ءسىزدىڭ ادامىڭىز ەكەنىنە كۇمانىڭىز بولماسا، وندا ءسىز ودان ءارى قاراي جۇرەسىز.

كوڭىلى قالۋ

كوڭىلى قالۋ نەمەسە بوتەنسۋ - بۇل كوپتەگەن جۇپ ەشقاشان كەسىپ وتە المايتىن سىناق، بەلورتا. ءبىر كەزدەرى ءمىنسىز كورىنگەن عاشىعىڭىزدىڭ كەمشىلىكتەرىن كورە باستايسىز، سەزىمىنە كۇمان كەلتىرىپ، بولاشاققا دەگەن ءۇمىتىڭىزدىڭ ءسونىپ بارا جاتقانىن تۇسىنەسىز. مۇنداي قارىم- قاتىناسقا كوڭىلىڭىز تولمايتىنىن تۇيسىنەسىز، ءبىراق نەگە وسىلاي بولعانىن تابا الماي دال بولاسىز... سوندا ءسىز جانجالعا سەبەپ ىزدەيسىز، بۇرىن نازار اۋدارماعان كەز كەلگەن كىشكەنتاي نارسە ءسىزدى اشۋلاندىرادى.

شىنىندا دا، ءبىز عاشىق بولعان كەزدە، بارلىق نارسە بىزگە وتە ادەمى بولىپ كورىنەدى. ەندى ول سىزگە بوتەن، سۇيمەيتىن سياقتى. ءتىپتى سىزگە ۇناعان قاسيەتتەرى دە اشۋىڭىزعا تيە باستايدى. بۇرىن ەلەپ- ەسكەرمەگەن كەمشىلىگىن ەندى الدىڭعى ورىنعا تارتاسىز. كوپشىلىكتى ەكى جاققا اجىراتاتىن وسى كەزەڭدى دۇربەلەڭسىز وتكەرگەن جۇپ كەلەسى كەزەڭگە وتەدى.

كەمشىلىگىمەن ءسۇيۋ (ەڭبەك نەمەسە كۇرەس)

ءسىز ءوز ويىڭىزدى وزگەرتسەڭىز عانا جاعدايدى تۇزەي الاسىز. وسى دەڭگەيگە دەيىن وسكەن عاشىقتىق سەزىمىنە ءبىر مەزەتتە قول سىلتەمەي، ەڭبەك ەتۋ كەرەك ەكەنىن جانە تىنىمسىز كۇرەسۋ كەرەگىن سانالى تۇردە قابىلداۋىڭىز كەرەك. ەشكىم كەمەل ءومىر ءسۇرىپ جاتقان جوق، سوندىقتان ونى تۇتاستاي بارىمەن قابىلداۋدى ۇيرەنۋىڭىز قاجەت. ادامنىڭ ارتىقشىلىعىن ءسۇيۋ وڭاي، ەندى سىزدەر ءبىر- ءبىرىڭىزدىڭ كەمشىلىكتەرىڭىزگە عاشىق بولۋىڭىز كەرەك. ءيا، قارىم- قاتىناس ەڭبەكتى تالاپ ەتەدى. سول ەڭبەكتىڭ ناتيجەسىندە جۇپ ءبىر- بىرىنەن اينىماس دوس تابادى، تىرەك تابادى. سوندىقتان شىنايى ماحاببات ۋاقىتتى، شىدامدىلىقتى جانە كۇش- قۋاتتى قاجەت ەتەتىنىن ءتۇسىنۋ ماڭىزدى.

سىنالسا دا، سىنباعان سەزىم

كۇندەلىكتى قيىندىقتارمەن جالعىز كۇرەسۋ قيىن، سوندىقتان ءبىز ءارقاشان ءبىزدىڭ شىنايى وداقتاسىمىزعا اينالاتىن سەرىكتەس ىزدەيمىز. ءبىراق ادام ءسىزدىڭ قاجەتتىلىكتەرىڭىزدى تولىعىمەن قاناعاتتاندىرا المايدى: سوندىقتان سىزدەر ءبىر- بىرىڭىزگە بەيىمدەلۋىڭىز كەرەك. ءسىز مۇنى قانشالىقتى شىن نيەتپەن ىستەسەڭىز، قيىندىقتارعا بىرلەسە توتەپ بەرسەڭىزدەر، سەنىمدى سەرىك، ادال دوس تاباسىز.

5-كەزەڭگە وتكەن جۇپ ءبىر- بىرىنەن ەشتەڭەنى جاسىرمايدى، ءبىر-ءبىرىنىڭ كۇشتى جانە ءالسىز جاقتارىن بىلەدى جانە بار بولمىسىمەن سۇيەدى. مىنە، ءدال وسى ساتتە ءسىز شىنايى ماحابباتقا قول جەتكىزەسىز. وسى كەزەڭدەردەن كەيىن سىزدەر تاۋ قوپاراتىن دارەجەگە جەتەسىز، ويتكەنى ەندى ءسىزدىڭ قولىڭىزدان ءبارى كەلەدى.

massaget.kz