وڭتۇستىك كورەياعا ۆيزا جاساپ بەرەم دەپ 5 ادامدى الداعان قىزىلوردالىق ايەل ۇستالدى

قىزىلوردا. قازاقپارات - قىزىلوردا قالاسىندا وڭتۇستىك كورەياعا جۇمىسقا تۇرعىزۋعا ۆيزا قۇجاتىن راسىمدەپ بەرە الاتىنىن ايتىپ، بىرنەشە ادامنان الداپ اقشا العان الاياق قولعا ءتۇستى، دەپ حابارلايدى قازاقپارات ءتىلشىسى.

قىزىلوردا قالالىق پوليسيا باسقارماسىنىڭ كەزەكشى بولىمىنە 49 جاستاعى قالا تۇرعىنى ارىزدانعان. ايتۋىنشا، بەيتانىس ادام وڭتۇستىك كورەياعا جۇمىسقا تۇرعىزۋعا ۆيزا قۇجاتىن دايىنداپ بەرۋگە ۋادە ەتىپ، الداپ كەتكەن. كەلگەن شىعىن - 1 ميلليون 500 مىڭ تەڭگە. سول كۇنى پوليسياعا قالانىڭ تاعى ءتورت تۇرعىنى الاياقتىق دەرەگى بويىنشا ارىز تۇسىرگەن. ولاردان جۇمىس اقىسى ءۇشىن الاياق 700 مىڭ تەڭگەدەن العان. جالپى كەلگەن شىعىن - 4 ميلليون 300 مىڭ تەڭگە.

«جەدەل ىزدەستىرۋ ناتيجەسىندە كۇدىكتى پوليسيا بولىمىنە جەتكىزدى. ورتا جاستاعى ازاماتشانىڭ جالعان اقپارات بەرىپ، اقشانى ءوز قاجەتىنە جۇمساعانى بەلگىلى بولدى. اتالعان دەرەك بويىنشا ق ر قىلمىستىق كودەكسىنىڭ 190-بابىنىڭ 1-بولىگى بويىنشا سوتقا دەيىنگى تەرگەۋ ءجۇرىپ جاتىر»، - دەپ ءمالىم ەتتى قىزىلوردا قالالىق پوليتسيا باسقارماسىنان.

ەسكە سالا كەتەيىك، قىزىلوردادا 14 ادامدى سان سوقتىرعان الاياققا سوت ۇكىمى شىقتى.