قازگيدرومەتتىڭ 5-مامىردىڭ كۇن رايىنا جاساعان بولجامى
اتموسفەرالىق فرونتالدى بولىكتەردىڭ وتۋىنە بايلانىستى ق ر باسىم بولىگىندە جاڭبىر جاۋادى، ەلدىڭ وڭتۇستىگىندە، وڭتۇستىك- شىعىسىندا قاتتى جاڭبىر بولادى.
قازاقستاننىڭ باتىسى جوعارى قىسىم القابىندا بولعاندىقتان جاۋىن- شاشىنسىز اۋا رايى ساقتالادى.
رەسپۋبليكا بويىنشا كەي جەرلەردە نايزاعاي كۇتىلەدى، جەل كۇشەيەدى، وڭتۇستىك پەن وڭتۇستىك- شىعىستا بۇرشاق، داۋىل، باتىستا - تۇمان، وڭتۇستىك- باتىستا - شاڭدى داۋىل كۇتىلەدى.
جامبىل وبلىسىنىڭ سولتۇستىك- شىعىسىندا، وڭتۇستىگىندە جانە تاۋلى اۋداندارىندا نايزاعاي، بۇرشاق، داۋىل، جەلدىڭ كۇشەيۋى كۇتىلەدى؛ تۇندە نايزاعاي كەزىندە، كۇندىز وبلىستىڭ سولتۇستىك- شىعىسىندا جانە تاۋلى اۋدانداردا 15-20 م/س بولادى.
الماتى وبلىسىنىڭ وڭتۇستىگىندە، ورتالىعىندا جانە تاۋلى اۋداندارىندا نايزاعاي، بۇرشاق، داۋىل كۇتىلەدى، نايزاعاي كەزىندە جەل 15-20، ەكپىنى 25 م/س كۇشەيەدى.
تۇركىستان وبلىسىنىڭ وڭتۇستىگىندە، تاۋلى جانە تاۋ بوكتەرىندەگى اۋداندارىندا نايزاعاي، بۇرشاق، داۋىل كۇتىلەدى، نايزاعاي كەزىندە جەل 15-20 م/س كۇشەيەدى.
ماڭعىستاۋ وبلىسىنىڭ سولتۇستىگىندە، شىعىسىندا شاڭدى داۋىل، كۇندىز وڭتۇستىكتە، باتىستا، وبلىس ورتالىعىندا نايزاعاي كۇتىلەدى، جەل نايزاعاي كەزىندە ەكپىنى 15-20 م/س كۇشەيەدى. تاڭەرتەڭ جانە كۇندىز قوستاناي وبلىسىنىڭ شىعىسىندا، سولتۇستىگىندە نايزاعاي كۇتىلەدى، جەل 15-20 م/س كۇشەيەدى.
كۇندىز باتىس قازاقستان وبلىسىنىڭ سولتۇستىگىندە، ورتالىعىندا جەلدىڭ كۇشى 15-20 م/س. كۇندىز اقمولا وبلىسىنىڭ سولتۇستىگىندە، وڭتۇستىك- شىعىسىندا نايزاعاي، تاۋلىك بويى سولتۇستىكتە، وڭتۇستىك- شىعىستا جەل 15-20 م/س كۇشەيەدى.
كۇندىز شىعىس قازاقستان وبلىسىنىڭ وڭتۇستىگىندە نايزاعاي كۇتىلەدى، جەل 15-20 م/س كۇشەيەدى.
تاڭەرتەڭ جانە كۇندىز پاۆلودار وبلىسىنىڭ باتىسى مەن سولتۇستىگىندە نايزاعاي كۇتىلەدى. تۇندە جانە تاڭەرتەڭ اقتوبە وبلىسىنىڭ سولتۇستىگىندە تۇمان بولادى.
باتىس قازاقستان وبلىسىنىڭ وڭتۇستىگىندە، اقتوبە وبلىسىنىڭ سولتۇستىگىندە، ورتالىعىندا، پاۆلودار وبلىسىنىڭ ورتالىعىندا توتەنشە ءورت قاۋپى كۇتىلەدى.
