بۇعان دەيىن 5 رەت ءىستى بولعان كۇدىكتى قوناعىن پىشاقتاپ ولتىرگەن
«ءساۋىردىڭ 26 سىنان 27 سىنە قاراعان ءتۇنى قاراتال اۋداندىق اۋرۋحاناسىنىڭ دارىگەرلەرى پوليتسياعا حابار تۇسىرگەن. ولار جەر ۇيلەردىڭ بىرىنەن پىشاقپەن ازاپتالىپ ولتىرىلگەن 47 جاستاعى ادامنىڭ مۇردەسى تابىلعانىن جەتكىزگەن. ءتارتىپ ساقشىلارى وقيعا ورنىنان قانعا مالىنعان اس ءۇي پىشاعىن تاركىلەدى. 52 جاستاعى ءۇي يەسى كۇدىكتى رەتىندە ۇستالدى. كۇدىكتىنىڭ بۇعان دەيىن دە ءتۇرلى قىلمىس جاساپ، بەس رەت سوتتالعانى انىقتالدى»، - دەلىنگەن الماتى وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.
بەلگىلى بولعانىنداي، مەرت بولعان ادام مەن كۇدىكتى بىرگە ىشىمدىك ىشكەن، ارتىنشا ەكەۋىنىڭ اراسىندا جانجال تۋىنداپ، وقيعا ادام ولىمىمەن اياقتالعان.
«ق ر قىلمىستىق كودەكسىنىڭ 99-بابى، ياعني «ادام ءولتىۋ» فاكتىسى بويىنشا ءىس قوزعالىپ، تەرگەۋ ءجۇرىپ جاتىر. كۇدىكتى قاماۋدا. ايعاق زاتتار تاركىلەندى. قاجەتتى ساراپتامالار تاعايىندالدى»، - دەپ تولىقتىردى ۆەدومستۆونىڭ باسپا ءسوز قىزمەتىنەن.
بۇعان دەيىن تالدىقورعاندا وقۋشىمەن جانجالداسقان مۇعالىمنىڭ جۇمىستان كەتكەنىن جازعان ەدىك.
