اۋەزوۆتىڭ 5 تومدىق شىعارمالار جيناعى جارىق كورەدى – مينيستر

نۇر- سۇلتان. قازاقپارات - جازۋشى مۇحتار اۋەزوۆتىڭ 125 جىلدىق مەرەيتويىنا وراي 5 تومدىق شىعارمالار جيناعى باسىلىپ شىعادى، دەپ حابارلايدى قازاقپارات.
None
None

بۇل تۋرالى مادەنيەت جانە سپورت ءمينيسترى داۋرەن ابايەۆ سەمەي قالاسىنداعى اباي تەاترىندا وتكەن «اۋەزوۆ الەمى» اتتى سالتاناتتى جيىندا ايتتى. ونىڭ مالىمەتىنشە، جازۋشىنىڭ مەرەيتويى حالىقارالىق دەڭگەيدە اتاپ وتىلەدى. وعان اتالعان ۆەدومستۆو جاۋاپتى بولىپ بەكىتىلگەن.

«سەمەي توپىراعى دانىشپان ابايدى دۇنيەگە اكەلگەن، شاكارىمدەي عۇلامانى تۋدىرعان، مۇحتار اۋەزوۆتەي ايگىلى سۋرەتكەرگە بەسىك بولعان اياۋلى مەكەن. بۇل جيىن ۇلكەن مەرەيتويدىڭ سالتاناتتى اشىلۋى سەمەيدەن باستاۋ العانى زاڭدىلىق. الداعى ۋاقىتتا، مۇحتار اۋەزوۆتىڭ 125 جىلدىعىنا وراي جازۋشىنىڭ 5 تومدىق شىعارمالار جيناعى باسىلىپ شىعاتىن بولادى»، - دەدى مينيستر.

ايتا كەتەيىك، زاڭعار قالامگەردىڭ مەرەيتويىنا بايلانىستى بيىل 4 باعىت بويىنشا 90 جۋىق ءىس- شارا ۇيىمداستىرىلادى. ودان بولەك، وڭىرلىك دەڭگەيدە جوسپاردان تىس 500 دەن اسا مەرەكەلىك شارا وتكىزۋ جوسپارلانعان.


سوڭعى جاڭالىقتار