10:25, 21 - ءساۋىر 2022 | GMT +5
ۋكراينالىق بوسقىندار سانى 5 ميلليوننان استى
نۇر-سۇلتان. قازاقپارات - ۋكراينادا قاقتىعىس باستالعالى ەلدەن كەتكەندەر سانى 5 ميلليوننان استى.

مۇنداي مالىمەتتەردى ب ۇ ۇ-نىڭ بوسقىندار ءىسى جونىندەگى جوعارعى كوميسسارى باسقارماسى كەلتىردى، دەپ حابارلايدى قازاقپارات Euronews-كە سىلتەمە جاساپ.
ۋكراينا ازاماتتارى باسساۋعالاعان ەلدەر اراسىندا ءبىرىنشى ورىندا پولشا تۇر. قازىردىڭ وزىندە بۇل ەلگە 2,8 ميلليوننان استام ادام كەلگەن.
«شەكارانى كەسىپ ءوتىپ جاتقان بوسقىندار سانى كۇن سايىن ارتىپ كەلەدى. پولشادا بوسقىنداردى قابىلداۋدىڭ ارنايى ورتالىقتارى بار، ولاردىڭ كوپشىلىگى ايەلدەر مەن بالالار»، - دەدى ب ۇ ۇ بوسقىندار ءىسى جونىندەگى جوعارعى كوميسسارىنىڭ باسپا ءسوز حاتشىسى شابيا مانتۋ.