قازاقستاندىق ازامات زەينەتاقى قورىنداعى 5 تەڭگەسىن الۋعا ءوتىنىم بەرىپتى

None
None
نۇر-سۇلتان. قازاقپارات - ەلىمىزدىڭ ءبىر تۇرعىنى زەينەتاقى قورىنداعى 5 تەڭگەنى الۋعا ءوتىنىم بەرىپتى. ال 161 ادام 40 تەڭگەدەن 2000 تەڭگەگە دەيىنگى سوماعا تاپسىرىس جاساعان، دەپ حابارلايدى «حابار 24».

ساۋىردە شەكتىك سومانىڭ وسەتىنىن ەسكەرگەن قازاقستاندىقتار وسىلايشا جيناقتارىن جاپپاي پايدالانىپ قالۋعا تىرىسىپ جاتىر. زەينەتاقى قورىنداعى اقشاسىن الۋعا ءوتىنىش بەرگەندەر سانى ناۋرىز ايىندا رەكوردتىق كورسەتكىشكە جەتتى.

بۇعان دەيىن اي سايىن 100 مىڭداي ادام ءوتىنىش بەرىپ كەلسە، بۇل ايدا 870 مىڭعا جەتىپ وتىر. ءدال بۇگىنگى كۇنى 352 مىڭ تاپسىرىس بەرۋشىنىڭ ءوتىنىمى ماقۇلداندى. شوتتاعى قاراجاتى جەتكىلىكسىز بولعاندىقتان 146 مىڭ ادامنىڭ ءوتىنىشى كەرى قايتارىلدى. تاعى 106-سىنان قوسىمشا قۇجاتتار تالاپ ەتىلسە، 73 ادامنىڭ ءوتىنىمى تەكسەرىلۋ ۇستىندە.

ءوز ەركىمەن تاپسىرىستىڭ كۇشىن جويعان كليەنتتەر دە بار. ءبىرقاتارى قول قويماعان، ءالى تولىقتىرۋدى تالاپ ەتكەن وتىنىمدەر دە كەزدەسەدى.

جانار جولتايەۆا، «وتباسى بانك» ا ق باسپا ءسوز حاتشىسى:

- Enpf.otbasy.kz پلاتفورماسىندا ناۋرىز ايىندا كەلىپ تۇسكەن وتىنىشتەر سانى كوپ بولدى. توعىز ەسە ارتىپ كەتتى كەلگەن وتىنىمدەر. ءبىر ادامدار راسىمەن ءوز قاجەتتىلىكتەرىنە تۇرعىن ءۇي جاعدايىن جاقسارتۋعا، ەمدەلۋگە جۇمساپ جاتسا، وزگە ءبىر ادامدار بولماشى سومالاردى سۇراتىپ جاتىر. بولماسا 6 ميلليون، ميللياردتاپ سۇراتقان ادامدار دا بولدى. البەتتە ول وتىنىشتەردىڭ بارلىعىن جۇيە تىركەيدى، ونىڭ بارلىعى بويىنشا تەكسەرۋ جۇمىستارى وتەدى.


سوڭعى جاڭالىقتار