بيىل ەلگە ورالاتىن قانداستار سولتۇستىكتەگى 5 وبلىسقا قونىستانادى
بۇل جايىندا «وتانداستار قورىنىڭ» باسپا ءسوز قىزمەتى ءمالىم ەتتى.
قور بيىل قانداستاردى قابىلداۋدىڭ وڭىرلىك كۆوتاسى جايىندا ارنايى بەينەروليك دايىنداعان.
2022-جىلى قانداستاردى قابىلداۋدىڭ وڭىرلىك كۆوتاسى 1499 ادامعا بەلگىلەندى.
وڭىرلىك كۆوتا وبلىستار اراسىندا بىلاي بولىنگەن:
پاۆلودار - 800، قوستاناي - 150، اقمولا - 258، شىعىس قازاقستان - 162، سولتۇستىك قازاقستان - 129 ادام.
ەسكە سالا كەتەيىك، قانداس مارتەبەسىن العىسى كەلەتىن ەلگە جاڭادان ورالعان ازاماتتاردىڭ قۇجاتتارىن قاراۋ جانە قانداس مارتەبەسىن بەرۋ 3 جۇمىس كۇنى ىشىندە جۇزەگە اسىرىلاتىنىن جازعان بولاتىنبىز.
