قازاقستاننىڭ 5 وبلىسىندا اۋا رايىنا بايلانىستى ەسكەرتۋ جاريالاندى

نۇر- سۇلتان. قازاقپارات - قازاقستاننىڭ 5 وبلىسىندا 11-ناۋرىزدا جەل، تۇمان مەن كوكتايعاققا بايلانىستى ەسكەرتۋ جاريالاندى، دەپ حابارلايدى قازاقپارات «قازگيدرومەت» ر م ك- نا سىلتەمە جاساپ.

11-ناۋرىزدا اقمولا وبلىسىندا سولتۇستىك- شىعىستان جەل سوعىپ، جىلدامدىعى سەكۋندىنا 15-20 مەترگە جەتەدى. نۇر- سۇلتاندا دا سولتۇستىك- شىعىستان جەل سوعىپ، جىلدامدىعى سەكۋندىنا 15-20 مەترگە جەتەدى.

قاراعاندى وبلىسىنىڭ وڭتۇستىگى مەن باتىسىندا تۇمان ءتۇسىپ، كوكتايعاق بولادى. شىعىستان، سولتۇستىك- شىعىستان جەل سوعادى، باتىستا جانە وڭتۇستىكتە جەلدىڭ جىلدامدىعى سەكۋندىنا 15-20 مەترگە جەتەدى. جەزقازعاندا كوكتايعاق بولادى.

قىزىلوردا وبلىسىنىڭ ورتالىعىندا تۇمان تۇسەدى. سولتۇستىك- شىعىستان، سولتۇستىكتەن جەل سوعادى، تاڭ اتا سولتۇستىكتە، وبلىس ورتالىعىندا جەل سەكۋندىنا 15-20 مەتر جىلدامدىقپەن ەسەدى. قىزىلوردا وبلىسىندا تۇمان تۇسەدى.

باتىس قازاقستان وبلىسىنىڭ سولتۇستىگىندە تۇمان ءتۇسىپ، كوكتايعاق بولادى. جەل شىعىستان، سولتۇستىك- شىعىستان سوعىپ، وبلىستىڭ سولتۇستىك- شىعىسىندا ەكپىنى 15-20 مەترگە جەتەدى.

ورالدا تۇندە كوكتايعاق بولادى. تۇندە جانە تاڭ اتا تۇمان تۇسەدى. شىعىستان، سولتۇستىك- شىعىستان جەل سوعىپ، تۇندە ەكپىنى سەكۋندىنا 18 مەترگە جەتەدى. تۇندە اقتوبە وبلىسىنىڭ باتىسى، وڭتۇستىگىندە، كۇندىز سولتۇستىك- باتىسىندا جاياۋ بۇرقاسىن سوعادى.

وبلىستىڭ وڭتۇستىگىندە تۇندە كوكتايعاق بولادى. وبلىستىڭ سولتۇستىگىندە جانە ورتالىعىندا سولتۇستىكتەن، سولتۇستىك- شىعىستان جىلدامدىعى سەكۋندىنا 15-20 مەتر بولاتىن جەل سوعادى. ايتا كەتەيىك، قازاقستاننىڭ سولتۇستىك بولىگى انتيتسيكلوننىڭ ىقپالىندا بولىپ، كۇن اشىق، ءبىراق سۋىق بولادى.