ەلوردالىق 5 ميلليون تەڭگەسىن الاياققا بەرگەنىن بىلمەي قالدى
«پوليتسياعا قالا تۇرعىنى شاعىمدانىپ، تەلەفون ارقىلى بانك قىزمەتكەرىمىن دەپ حابارلاسقان بەيتانىس ادامنىڭ الداۋ ارقىلى 5 ميلليون 250 تەڭگە اقشا قاراجاتىن الىپ قويعاندىعىنا ارىز ءتۇسىردى. ەسىل اۋداندىق پ ب كريمينالدىق پوليتسيا قىزمەتكەرلەرىنىڭ جەدەل ىزدەستىرۋ ءىس- شاراسى بارىسىندا الماتى قالاسىندا الاياقتىق جاساۋ كۇدىگىمەن 31 جاستاعى جىگىت ۇستالدى»، - دەپ اتاپ وتەدى نۇر- سۇلتان قالالىق پوليتسيا دەپارتامەنتىنەن.
قازىرگى ۋاقىتتا پوليتسيا قىزمەتكەرلەرى قاسكۇنەمنىڭ ءوزىن بانكتىڭ قاۋىپسىزدىك قىزمەتى قىزمەتكەرىمىن دەپ تانىستىرعانىن، زارداپ شەگۋشىگە ۇيالى تەلەفونداعى قوسىمشاسىنان كۇدىكتى وپەراتسيا جۇرگىزىلگەندىگىن ايتىپ، سەندىرگەنىن انىقتادى. وسىدان كەيىن الاياق زارداپ شەگۋشىگە ەسكى قوسىمشاسىن بۇعاتتاپ، جاڭاسىن اشۋعا كەڭەس بەرگەن. اڭگىمەلەسۋ بارىسىندا جىگىت سىپايىلىق تانىتىپ، ايەلدىڭ سەنىمىنە كىرگەن. جاڭا قوسىمشا اشىلعاننان كەيىن الاياق زارداپ شەگۋشىنىڭ بارلىق اقشاسىن KIWI ءاميانعا اۋدارىپ العان.
«كۇدىكتىدەن 10 بانك كارتاسى تاركىلەندى. ۇستالعان ادام نۇر- سۇلتان قالالىق پ د ۋاقىتشا وقشاۋلاعىشىنا قامالدى. اتالعان فاكتى بويىنشا ق ر ق ك 190- بابى 3- تارماعىمەن سوتقا دەيىنگى تەرگەۋ جۇرگىزىلىپ جاتىر. قازىرگى ۋاقىتتا قىلمىسقا قاتىسى بار وزگە دە ادامداردى تابۋ، الاياقتاردان باسقا دا زارداپ شەككەندەردى انىقتاۋ باعىتىندا تەرگەۋ ءىس- شارالارى قولعا الىندى»، - دەپ اتاپ وتەدى دەپارتامەنتتەن.
اۆتور: مارلان جيەمباي