20:32, 21 - اقپان 2022 | GMT +5
العاشقى ۇكىم: الماتىدا قاڭتار قىرعىنىندا قارۋ-جاراق دۇكەنىن توناعاندار 5 جىلعا سوتتالدى
الماتى. قازاقپارات - الماتىدا قاڭتارداعى تارتىپسىزدىكتەر كەزىندە ۇستالعان توناۋشىلار ءىسى سوتتا قارالىپ جاتىر، دەپ حابارلايدى قازاقپارات ءتىلشىسى.
قالالىق سوتتىڭ باسپا ءسوز قىزمەتىنىڭ اقپاراتىنا سايكەس، بۇگىندە الماتى سوتتارىنا 46 ءىس تۇسكەن، ونىڭ 28 ءى قارالىپ جاتىر، 18 نە ۇكىم شىقتى.
«بۇگىن سوت شەشىمىمەن ەكى ادام قارۋ-جاراق دۇكەنىن تونادى دەپ تانىلىپ، بەس جىلعا (ءارقايسىسى) باس بوستاندىعىنان ايىرىلدى»، - دەپ حابارلادى قالالىق سوتتىڭ باسپا ءسوز قىزمەتى.
سونداي-اق بوتەننىڭ مۇلكىن ۇرلاعان كىنالىلەر ءتۇرلى مەرزىمگە باس بوستاندىعىن شەكتەۋ جازاسىنا كەسىلىپ، ولاردان ماتەريالدىق شىعىن ءوندىرىلىپ جاتىر.
