نۇر-سۇلتاندا 5 جىل بۇرىن تاكسي جۇرگىزۋشىسىن ولتىرگەن كۇدىكتى ۇستالدى
باسپا ءسوز قىزمەتىنىڭ مالىمەتتەرىنە قاراعاندا، كوكشەتاۋدا ارنايى ءىس-شارا جۇرگىزۋ بارىسىندا ادام ءولتىردى دەگەن كۇدىك بويىنشا 27 جاستاعى ەر ادام ۇستالدى. 2017 -جىلدىڭ تامىزىندا كۇدىكتىنىڭ بازارلاردىڭ ءبىرىنىڭ جانىندا «Daewoo-Nexia» جەكەمەنشىك تاكسيىن جالداپ، «لەسوزاۆود» اۋدانىنا قاراي شىققانى انىقتالدى. كورسەتىلگەن ورىنعا كەلگەننەن كەيىن جۇرگىزۋشى مەن جولاۋشىنىڭ اراسىندا جول اقىسىنىڭ قۇنى ءۇشىن جانجال شىققان.
تاكسي جۇرگىزۋشىسى قىزمەتىنىڭ قۇنىن 1 مىڭ تەڭگەگە باعالاعان. سوزگە كەلىسپەي قالعان جولاۋشى پىشاق الىپ شىعىپ، جۇرگىزۋشىگە 17 جەردەن پىشاق سالعان. سونىڭ سالدارىنان جۇرگىزۋشى وقيعا ورنىندا مەرت بولعان. ادام ءولىمى ورىن العاننان كەيىن قىلمىسكەر ءىزىن جاسىرۋعا تىرىسىپ، ماشينادا قالعان ساۋساق ىزدەرىن مۇقيات سۇرتكەن.
اسا اۋىر قىلمىس جاساعان كۇدىكتى قىلمىس جاسالعان ورىننان جاسىرىنعان جانە بىرنەشە كۇننەن كەيىن كورشىلەس رەسپۋبليكاعا شىعىپ كەتكەن. 5 جىل بويى ەلوردالىق جەدەل قىزمەتكەرلەر ادام ءولتىردى دەپ كۇدىك كەلتىرىلگەن ادامنىڭ كىم ەكەنىن انىقتاۋ بويىنشا كوپتەگەن جۇمىس جۇرگىزگەن. كريميناليستەر قىلمىس ورنىنان تابىلعان بارلىق ىزدەردى زەرتتەدى. 2 جىل وتكەننەن كەيىن اۆتوكولىكتىڭ جۇكسالعىشىنان الىنعان ساۋساق ىزدەرىن زەرتتەي وتىرىپ، كريميناليستەر سايكەستىكتى انىقتاعان.
الايدا تەرگەپ-تەكسەرۋ جۇرگىزۋ بارىسىندا ساۋساق ىزدەرى قايعىلى وقيعا بولعانعا دەيىن ءبىراز ۋاقىت بۇرىن جۇرگىزۋشى بارعان جانار- جاعارماي قۇيۋ ستانسياسى قىزمەتكەرىنە تيەسىلى ەكەنى انىقتالعان، ىزدەستىرۋ جالعاسىن تاپقان. وتكەن جىلدىڭ سوڭىندا كريميناليستەر ساۋساق ءىزى بويىنشا تاعى ءبىر سايكەستىكتى انىقتاعان جانە قايتادان بەلسەندى تەكسەرىس باستالعان. ساۋساق ءىزى يەسىنىڭ 2014 -جىلى بەلارۋس رەسپۋبليكاسىندا ۇرلىق جاساعانى ءۇشىن سوتتالعانى انىقتالدى. ول اقمولا وبلىسىنىڭ تۇرعىنى بولىپ شىققان.
«تەكسەرىس جۇرگىزۋ بارىسىندا جەدەل قىزمەتكەرلەر ونىڭ ادام ولتىرۋگە قاتىسى بار ەكەنىن انىقتاعان. ۇستالعاننان كەيىن بۇلتارتپايتىن ايعاقتاردىڭ ناتيجەسىندە كۇدىكتى ىستەگەن ءىسىن مويىنداعان. قازىرگى ۋاقىتتا ول نۇر-سۇلتان قالالىق پ د ۋاقىتشا ۇستاۋ يزولياتورىنا قامالدى. قازاقستان رەسپۋبليكاسى ق ك-نىڭ 99-بابى بويىنشا سوتقا دەيىنگى تەرگەپ- تەكسەرۋ جۇرگىزىلۋدە»، - دەلىنگەن حابارلامادا.
