قازاقستان ەكونوميكاسىنداعى وڭ ديناميكانى ساقتايتىن 5 نەگىزگى قادام قانداي
«ورتالىق جانە جەرگىلىكتى اتقارۋشى ورگاندارعا كەلەسى شارالارعا نازار اۋدارۋ ۇسىنىلىپ وتىر. ءبىرىنشى - ينۆەستيتسيالاردى تارتۋ مەن سۇيەمەلدەۋ بويىنشا ءتيىمدى جۇمىس اتقارۋ، ينۆەستيتسيالىق جوبالاردى ىسكە اسىرۋدىڭ تۇراقتى مونيتورينگىن جۇرگىزۋ.
ەكىنشى - ەگىن جيناۋ جانە مال ازىعىن دايىنداۋ كورسەتكىشتەرىنە قول جەتكىزۋ بويىنشا ۋاقىتىلى شەشىمدەر قابىلداۋ، قۇرىلىس جۇمىستارى ماۋسىمىنىڭ اياقتالۋىنا دايىندالۋ.
ءۇشىنشى - ينفلياتسياعا قارسى ارەكەت ەتۋ جونىندەگى شارالار كەشەنىن جەدەل ورىنداۋ. ءتورتىنشى - حالىقتى ۆاكسيناتسيالاۋ جانە شاعىن جانە ورتا بيزنەس قىزمەتىن قالپىنا كەلتىرۋگە بەلسەندى تۇردە قولداۋ كورسەتۋ.
بەسىنشى - «ەڭبەك» جانە «جۇمىسپەن قامتۋ جول كارتاسى» باعدارلامالارى اياسىندا جۇمىسقا ورنالاستىرۋ شارالارىن ءتيىمدى ىسكە اسىرۋدى جالعاستىرۋ. جوعارىدا اتالعان شارالاردى ىسكە اسىرۋ ەلىمىزدىڭ ماكروەكونوميكالىق تۇراقتىلىعىن ساقتاۋعا مۇمكىندىك بەرەدى»، - دەدى مينيستر. سونداي- اق، ول حالىقتى باسپانامەن قامتۋدا العا شىققان ءۇش ءوڭىردى اتادى.