وزبەكستاننىڭ 5 ساياسي پارتياسى پرەزيدەنت سايلاۋىنا قاتىساتىن كانديداتىن بەكىتتى
ءوزىنىڭ العاشقى ۇمىتكەرىن 26- تامىزدا «ميلليي تيكلانيش» پارتياسى بەكىتتى، ونىڭ اتىنان سايلاۋعا ولي ماجليس زاڭ شىعارۋ پالاتاسى سپيكەرىنىڭ ورىنباسارى، پارتيا باسشىسى الىشەر قادىروۆ قاتىسادى.
ەكولوگيالىق پارتيا كانديداتى - پارتيانىڭ ورتالىق اپپاراتى اتقارۋشى كوميتەتىنىڭ ءتوراعاسى نارزۋللا وبلومۋرودوۆ.
وزبەكستان حالىق دەموكراتيالىق پارتياسىنىڭ (و ح د پ) سەزى 6- تامىزدا ءوتتى.
پرەزيدەنتتىككە ۇمىتكەر رەتىندە و ح د پ ءتوراعاسىنىڭ ورىنباسارى ماكسۋدا ۆاريسوۆا بەكىتىلدى.
ءبىر كۇن بۇرىن «ادولات» سوتسيال-دەموكراتيالىق پارتياسى ءوزىنىڭ ۇمىتكەرى رەتىندە پارتيا باسشىسى باحروم ابدۋحاليموۆتى بەكىتتى.
بۇگىن ليبەرالدى-دەموكراتيالىق پارتيا ءوز كانديداتى رەتىندە قازىرگى پرەزيدەنت شاۆكات ميرزيەيەۆتى سەزدە بەكىتتى.
راسىمگە سايكەس ساياسي پارتيالار ورتالىق سايلاۋ كوميسسياسىنا ءوز كانديداتۋراسى ءۇشىن ءتيىستى قۇجاتتار مەن قول قويۋ پاراقتارىن تاپسىردى، سودان كەيىن و س ك ولاردىڭ پرەزيدەنت سايلاۋىنا قاتىسۋعا كانديدات رەتىندە رەسمي تىركەلگەنىن جاريالايدى.
ەسكە سالا كەتەيىك، وزبەكستان پرەزيدەنتىن سايلاۋ 24- قازاندا وتەدى.
سايلاۋ ناۋقانى رەسمي تۇردە 23- شىلدەدە باستالدى.