ا ق ش- تا ءشول ورتاسىندا 5 ميلليون ادامعا ارنالعان قالا سالىنادى

نۇر- سۇلتان. قازاقپارات - دانيالىق Bjarke Ingels Group (BIG) كومپانياسى ا ق ش- تاعى ءشولدىڭ ورتاسىندا سالىناتىن تەلوس دەپ اتالاتىن بەس ميلليون ادامعا ارنالعان قالا قۇرىلىسىن جۇزەگە اسىرۋ جوباسىن ۇسىندى،

دەپ حابارلايدى قازاقپارات World Architecture Community-گە سىلتەمە جاساپ.

قالا جوسپارى 12 مىڭ گەكتاردان باستالادى، 10-20 جىل ىشىندە سالىنادى. الداعى 40 جىل ىشىندە قالا حالقى 5 ميلليون ادامعا دەيىن وسەدى دەپ بولجانۋدا. الايدا ۇيىمداستىرۋشىلار 2030 -جىلعا قاراي 50 مىڭ ادامعا ارنالعان قالا قۇرۋدى ماقسات ەتىپ وتىر.

تەلوس قالاسىن سالۋ تىعىزدىعى ءار گەكتارعا شامامەن 33 ادامدى قۇرايدى. بۇل سان- فرانسيسكوداعى قۇرىلىس تىعىزدىعىنا تەڭ. تەلوستىڭ العاشقى تۇرعىندارى 2030 -جىلى قونىس اۋدارادى دەپ كۇتىلۋدە.

ايتا كەتۋ كەرەك، 60,7 مىڭ گەكتاردان استام اۋماققا نولدەن باستاپ قالانى سالۋ يدەياسى كاسىپكەر مارك لورعا تيەسىلى. ءوز كەزەگىندە جوبامەن دانيالىق ساۋلەتشى جانە BIG بيۋروسىنىڭ نەگىزىن قالاۋشى بياركە ينگەلس اينالىسادى. قالا بىرنەشە اۋدانعا بولىنەدى. عيماراتتار ەكولوگيالىق تازا ماتەريالداردان تۇرعىزىلادى، قاسبەتتەرى ءىشىنارا وسىمدىكتەرمەن جابىلادى، ال اۆتونومدى كولىك قۇرالدارى جول بويىمەن قوزعالادى.