ەلوردالىق جاستار 5 پايىزبەن باسپانا الا الادى
«مەملەكەت تاراپىنان جاستاردى قولداۋ ءۇشىن بارلىق جاعداي قاراستىرىلىپ وتىر. سونىڭ ىشىندە ەلوردالىق جاستاردىڭ ماسەلەرىن جان- جاقتى قامتيتىن «ەلوردا جاستارى» باعدارلاماسى قابىلداندى. باعدارلامانىڭ نەگىزى ماقساتى - ەلوردالىق جاستاردىڭ بەلسەندىلىگىن ارتتىرىپ، جان- جاقتى دامۋىنا مۇمكىندىكتەر جاسا، سونىمەن قاتار جاستاردىڭ الەۋەتىن ارتتىرىپ، ەلدىڭ ودان ءارى دامۋىنا باعىتتالعان جاستارعا باسىمدىق بەرۋ. باعدارلاما نەگىزگى 4 باعىتتان تۇرادى: ساپالى جانە قولجەتىمدى ءبىلىم، كاسىپتىك باعدار؛ جۇمىسپەن قامتۋ جانە جاستار كاسىپكەرلىگى؛ باسپانامەن قامتاماسىز ەتۋ جانە جاس وتباسىلارعا قولداۋ كورسەتۋ؛ دەنساۋلىق ساقتاۋ جانە بوس ۋاقىتتى ۇيىمداستىرۋ»، - دەدى قالا باسشىسى.
ونىڭ اتاپ وتۋىنشە، باعدارلاما اياسىندا جاستار قۇنى 13 ميلليون تەڭگەگە دەيىنگى پاتەرلەردى جىلىنا 5 پايىزبەن الا الادى. باعدارلامانىڭ بۇل باعىتى «وتباسى بانكپەن» بىرگە جۇرگىزىلەدى.
«جاستاردى ەڭبەككە باۋلۋ، تابىسقا دەگەن ۇمتىلىسىن قولداۋ - قاشان دا پايدالى. ەلوردامىزدا جاستارعا كاسىپتىڭ ناعىز مامانى بولۋعا جانە ءوز باستاماسىن جۇزەگە اسىرۋعا تولىق مۇمكىندىك جاسالادى»، - دەدى التاي كولگىنوۆ.
اۆتور: مارلان جيەمباي
