مينيستر 5 مىڭ شاقىرىم جولدى اقىلى جۇيەگە قوسۋ نەلىكتەن كەيىنگە شەگەرىلگەنىن ايتتى
«2021 -جىلدىڭ 1 - ماۋسىمىنان باستاپ جولداردا اقى الۋ جۇيەسىن ەنگىزۋ جوسپارىمىزدا بولعان. اقىلى جولداردى ىسكە قوسۋ ءۇشىن بۇكىل اۆتوماتيكا جۇيەسى دايىن بولۋى ءتيىس. قازىرگى تاڭدا 5800 شاقىرىم جولدا اۆتوماتيكا جۇيەسى ورناتىلىپ، تەستىلەۋدەن وتكىزىلدى. سودان مامىر ايىندا اقىلى بولاتىن جولداردىڭ ساپاسىنا تەكسەرۋ باستالعان ەدى. ونىڭ ءبارى ءالى اقتالمادى. ءبىراز جەردە قايتادان جوندەۋ جۇمىستارىن جۇرگىزۋ قاجەت. جوندەۋ جۇمىستارى اياقتالعاننان كەيىن ءاربىر ۋچاسكەنى تەكسەرىپ، اكتىمەن قابىلداپ الۋىمىز كەرەك. سودان كەيىن عانا اقى الۋ جۇيەسى ەنگىزىلەدى» - دەدى مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا.
ونىڭ اتاپ وتۋىنشە، 1- ماۋسىمنان باستاپ اتالعان جولداردا اقى الۋ جۇيەسىنىڭ ەنگىزىلەتىندىگى تۋرالى «قازاۆتوجول» كومپانياسى جاريالاعان. ءبىراق، يندۋستريا جانە ينفراقۇرىلىمدىق دامۋ مينيسترلىگى ارنايى بۇيرىقپەن مۇنداي شەشىم قابىلداماعان.
اۆتور: مارلان جيەمباي
