ۇلى بريتانيا اۋماعىنان 5 ميلليارد جىلدىق مەتەوريت تابىلدى
بۇل اسپان دەنەسى 28 - اقپاندا اعىلشىن اسپانىن جارىقتاندىردى، بۇل عالىمدارعا ونىڭ قۇلاۋ ايماعىن ءدال ەسەپتەۋگە جانە جەرگىلىكتى تۇرعىنداردى ونى ىزدەۋگە شاقىرۋعا مۇمكىندىك بەردى.
گلوستەرشير گرافىنداعى ۋينچكومب قالاشىعىنىڭ تۇرعىنى عايىپتان پايدا بولعان اسپان دەنەسىن ءوز ءۇيىنىڭ تابالدىرىعىنان تاپتى.
«بۇل كومىرتەكتى حوندريت دەپ اتالادى. بۇل ءبىزدىڭ كۇن جۇيەمىزدىڭ پايدا بولۋىنا قاتىسقانىن بىلدىرەدى. وسى تاسقا 4 ميلليارد 600 ميلليون جىل بولعان. ول كۇن جۇيەسى ەندى قالىپتاسىپ جاتقان كەزدە بولعان زاتتاردان تۇرادى. ولاردان استەرويدتار، كومەتالار، پلانەتالار، سونىڭ ىشىندە جەر پايدا بولدى»، - دەپ تۇسىندىرەدى لوندونداعى تابيعات تاريحى مۇراجايىنىڭ عىلىمي قىزمەتكەرى ەشلي كينگ.
ۋينچكومب مەتەوريتىنىڭ تاعى ءبىر بولىگى قالاعا ىرگەلەس لاحلان بوند فەرماسىنىڭ ورىسىنەن تابىلدى: «ەگەر ول بىزگە وتكەندى جارىققا شىعارۋعا ازداپ كومەكتەسەتىن بولسا، وندا ونىڭ ءبىزدىڭ جەرىمىزدەن تابىلعانىن ايتۋ وتە تاماشا».
مەتەوريت قۇلاعانعا دەيىن بىرنەشە بولىككە بولىنگەن بولۋى مۇمكىن، سوندىقتان عالىمدار وكرۋگ تۇرعىندارىن ونى ىزدەۋدى جالعاستىرۋعا شاقىرادى.