قازاقستاندا مۇناي جانە گاز- حيميا سالاسىندا 5 زاۋىت سالىنادى
بۇل تۋرالى ق ر ەنەرگەتيكا مينيسترلىگىنىڭ القا ماجىلىسىندە ۆەدومستۆو باسشىسى نۇرلان نوعايەۆ ايتتى، دەپ حابارلايدى قازاقپارات ءتىلشىسى.
مەملەكەت باسشىسى ق ر ۇكىمەتىنىڭ كەڭەيتىلگەن وتىرىسىندا مۇناي جانە گاز- حيميا ءوندىرىسىن جەدەلدەتۋ بويىنشا شارالار قابىلداۋ، سونداي- اق الەۋەتتى ينۆەستورلار ءۇشىن تارتىمدى جاعدايلار جاساۋ مىندەتىن قويدى. بۇل ماسەلەنى شەشۋ مىناداي تۇردە ۇسىنىلادى: بيىل مۇنايگاز- حيميانى دامىتۋ جونىندەگى 2025 -جىلعا دەيىنگى ۇلتتىق جوبانى ازىرلەۋ جوسپارلانۋدا، ول ماسەلەلەردى شەشۋگە باسا نازار اۋدارا وتىرىپ، سالانى ناقتى دامىتۋعا مۇمكىندىك بەرەدى.
اتاپ ايتقاندا: مۇنايگاز- حيميا جوبالارىن شيكىزاتپەن قامتاماسىز ەتۋ، مۇنايگاز- حيميا كلاستەرىن قۇرۋ؛ ودان ءارى قايتا ءبولۋدى دامىتۋ.
«سونىمەن قاتار، شەتەلدىك ينۆەستورلار كەڭەسىنىڭ تاپسىرماسى اياسىندا م گ ح جوباسىن ىسكە اسىرۋ كەزىندە ونىڭ قاجەتتىلىكتەرىن ەسكەرە وتىرىپ، ۇكىمەت پەن ينۆەستور اراسىندا جەكە كەلىسىم ازىرلەۋ پىسىقتالۋدا. بۇل شارالار 2025 -جىلعا قاراي 5 زاۋىتتىڭ قۇرىلىسىن اياقتاۋعا مۇمكىندىك بەرەدى»، - دەدى ن. نوعايەۆ.
وسىلايشا، كۇتىلەتىن ناتيجە:
- ءوندىرىس كولەمى 9 ەسەگە ارتىپ، 2 ميلليون توننا مۇنايگاز- حيميا ءونىمىن قۇرايدى؛
- ەل ەكونوميكاسىنا ينۆەستيتسيالار كولەمى شامامەن 3,9 ميلليارد ا ق ش دوللارىن قۇرايدى.
«وسىلايشا، بازالىق مۇنايگاز- حيميا ونىمدەرىن ءوندىرۋ مۇنايگاز سالاسىندا تەرەڭ وڭدەۋدى دامىتۋ ءۇشىن بەرىك نەگىز بولادى، بۇل ءبىزدىڭ شيكىزات ەكونوميكاسىن ءارتاراپتاندىرۋ جانە تەحنولوگيالىق دامۋعا ۇمتىلۋ جونىندەگى ستراتەگيامىزعا سايكەس كەلەدى»، - دەدى مينيستر.
اۆتور: رۋسلان عابباسوۆ