جاڭاتاستاعى 5 بالا كوز جۇمعان ورتكە نە سەبەپ بولدى
بۇل تۋرالى وڭىرلىك كوممۋنيكاتسيالار قىزمەتىنىڭ اقپارات الاڭىندا وتكەن باسپا ءسوز بريفينگىندە جامبىل وبلىستىق پوليتسيا دەپارتامەنتى باستىعىنىڭ ءبىرىنشى ورىنباسارى باقىت راتايەۆ حابارلادى.
«ءورت فاكتىسى بويىنشا ق ر قىلمىستىق كودەكسىنىڭ 292-بابىنىڭ 3-بولىگى بويىنشا سوتقا دەيىنگى تەرگەۋ باستالدى. سوت- ساراپتاما ورتالىعى ماماندارىنىڭ الدىن- الا مالىمەتتەرى بويىنشا، ءولىم ۋلى گازدان ۋلانۋدان، ال ءورتتىڭ اشىق وت كوزى تۇتانعىش ماتەريالدىڭ، ياعني توسەك- ورىن جابىندارىنىڭ بەتىنە تيگەنىنەن بولعان. ءورتتىڭ قورىتىندى سەبەپتەرى بارلىق قاجەتتى ساراپتاما ناتيجەسى بويىنشا جاريالانادى»، - دەيدى باقىت راتايەۆ.
ءوز كەزەگىندە توتەنشە جاعدايلار دەپارتامەنتىنىڭ باستىعى ەرمەك مومبايەۆ ءورت- تەحنيكا زەرتحاناسىنىڭ الدىن الا زەرتتەۋ مالىمەتتەرىن جاريالادى.
«ءورت بەس قاباتتى تۇرعىن ءۇيدىڭ ءۇشىنشى قاباتىنداعى ءۇش بولمەلى پاتەردە بولدى. وت بالالار بولمەسىندە تۇتانعان. جالىن 16 شارشى مەتر اۋماقتى قامتىدى. جىلجىمالى ءورت- تەحنيكالىق زەرتحانامەن زەرتتەۋ جۇرگىزۋ كەزدە وقيعا ورنىندا جانعان سىمدار مەن ەلەكتر جابدىقتارى، پەش نەمەسە باسقا دا قوسىمشا جىلىتۋ قۇرالدارى تابىلمادى، ءۇي ورتالىق جىلىتۋعا قوسىلعان»، - دەپ اتاپ ءوتتى ت ج د باسشىسى.
ارنايى كوميسسيانىڭ ءتوراعاسى، جامبىل وبلىسى اكىمىنىڭ ورىنباسارى ۇلان جازىلبەك زارداپ شەككەن وتباسىنا بارلىق قاجەتتى كومەك كورسەتىلەتىنىن اتاپ ءوتتى.
«وقيعانىڭ ءمان- جايىن انىقتاۋ ءۇشىن وبلىس اكىمىنىڭ وكىمىمەن كوميسسيا قۇرىلدى، ونىڭ قۇرامىنا جەرگىلىكتى اتقارۋشى ورگانداردىڭ، پروكۋراتۋرانىڭ، پوليتسيا دەپارتامەنتىنىڭ، ت ج دەپارتامەنتىنىڭ جانە باسقا دا جاۋاپتى مەملەكەتتىك ورگانداردىڭ وكىلدەرى ەندى. كەشە كوميسسيا مۇشەلەرى قايعىلى وقيعا ورنىنا بارىپ، جۇمىس جۇرگىزۋدە. ءبىزدىڭ تاراپىمىزدان بارلىق قاجەتتى كومەك كورسەتىلەدى، سونىڭ ىشىندە پسيحولوگيالىق كومەكتى جانە جەرلەۋ ءراسىمىن ۇيىمداستىرۋعا قول ۇشىن بەرەمىز»، - دەپ ۇلان جازىلبەك زارداپ شەككەن وتباسىنا كوڭىل ايتتى.
ونىڭ ايتۋىنشا، وتباسى تولىققاندى، وتاعاسى مەكەمەدە جۇمىس ىستەيدى، اناسى دەكرەتتىك دەمالىستا (مەكتەپتە مۇعالىم). سونداي- اق، ول الەۋمەتتىك جەلىلەردە ورتتەن زارداپ شەككەن 60 جاستاعى ايەل تۋرالى قاۋەسەتتى جوققا شىعاردى. «بۇل اقپارات شىندىققا جاناسپايدى. باسقا زارداپ شەككەندەر جوق»، - دەپ اتاپ ءوتتى ۇ. جازىلبەك.
ەسكە سالا كەتەيىك، كەشە جاڭاتاس قالاسىندا كوپقاباتتى ۇيدەن ءورت شىعىپ، 5 بالا كوز جۇمعان بولاتىن.