قاراعاندى وبلىسىندا جول اپاتىنان 5 ادام قازا بولدى

قاراعاندى وبلىستىق پوليتسيا دەپارتامەنتىنەن ءمالىم ەتكەندەي، 31-قاڭتار كۇنى ساعات 23.50 شاماسىندا «قاراعاندى- اباي» تاسجولىندا BMW اۆتوكولىگىنىڭ 35 جاستاعى جۇرگىزۋشىسى الدىن الا بولجام بويىنشا، رۋلگە يە بولا الماي قالعان. سولاي، جولدىڭ قارسى باعىتىنا شىعىپ، 26 جاستاعى ازاماتتىڭ باسقارۋىنداعى Chevrolet كولىگىمەن سوقتىعىسقان.

ەكىنشى ماشينانىڭ ىشىندە 4 جولاۋشى بولعان.

«جول-كولىك وقيعاسى سالدارىنان BMW اۆتوكولىگىنىڭ جۇرگىزۋشىسى مەن جولاۋشىسى، سونداي-اق Chevrolet اۆتوكولىگىنىڭ 3 جولاۋشىسى العان جاراقاتتارىنان وقيعا ورنىندا كوز جۇمدى. Chevrolet-تىڭ جۇرگىزۋشىسى مەن تاعى 1 جولاۋشىسى ءتۇرلى دەنە جاراقاتتارىمەن اۋرۋحاناعا جاتقىزىلدى. اتالعان فاكتى بويىنشا ق ر قىلمىستىق كودەكسىنىڭ 345-بابى 4-بولىگىنە سايكەس قىلمىستىق ءىس تىركەلدى. ءتيىستى ساراپتامالار تاعايىندالىپ، تەرگەۋ امالدارى جۇرگىزىلۋدە»، - دەپ حابارلادى پ د باسپا ءسوز قىزمەتىنەن.

قاراعاندى وبلىسىنىڭ پوليتسيا دەپارتامەنتى قاراپايىم جول ءجۇرۋ ەرەجەلەرىن ساقتاپ، جىلدامدىقتى شەكتەن تىس اسىرماۋدى سۇرايدى.

اۆتور: اگاتا مۋحامەدجانوۆا