ەلورداداعى سايلاۋ ۋچاسكەلەرىندە جۇمىس ىستەيتىن 5 ادامنان كوروناۆيرۋس انىقتالدى

قازىرگى ۋاقىتتا قالادا 283 سايلاۋ ۋچاسكەسى ورنالاسقان. ەلوردانىڭ سايلاۋ كوميسسياسىنىڭ ءتوراعاسى باقىت بەكتەمىسوۆانىڭ ايتۋىنشا، سايلاۋ ۋچاسكەلەرىنىڭ بارىندە سانيتارلىق قاۋىپسىزدىك شارالارى قاتاڭ ساقتالادى.

«سايلاۋ پروتسەسىنىڭ بارلىق قاتىسۋشىلارى ءۇشىن بىزدە جەكە قورعانىس قۇرالدارى قاراستىرىلعان: ماسكالار، انتيسەپتيكتەر، قولعاپتار. ادام كوپ جينالماس ءۇشىن ارنايى شىعۋ ورىندارى قاراستىرىلعان. كوميسسيا مۇشەلەرى ارنايى ەكرانمەن قورعالادى. قورعانىش اينەگى بار ايماق باقىلاۋشىلار، سەنىمدى تۇلعالار جانە ب ا ق وكىلدەرى ءۇشىن دە ۇيىمداستىرىلعان. داۋىس بەرۋ زالىندا ءار ءۇش ساعات سايىن سانيتارلىق وڭدەۋ جۇرگىزىلەدى.

سونىمەن قاتار، ق ر دەنساۋلىق ساقتاۋ مينيسترلىگىنىڭ كوروناۆيرۋس ينفەكسياسى تارالۋىنىڭ الدىن الۋ الگوريتمىنە سايكەس، 2021 -جىلعى 5-8 - قاڭتار ارالىعىندا ەلوردادا سايلاۋ كوميسسيالارىنىڭ مۇشەلەرىنە، سەنىم بىلدىرىلگەن تۇلعالار مەن باقىلاۋشىلارعا پ ت ر- تەستىلەۋ جۇرگىزىلەدى. بۇگىنگى تاڭدا COVID-19 ينفەكسياسى بويىنشا 5386 ادام تەكسەرىلدى: سايلاۋ كوميسسيالارىنىڭ 2992 مۇشەسى، 1823 بايقاۋشى، 571 سەنىمدى تۇلعا. تەكسەرۋ قورىتىندىسى بويىنشا، سايلاۋ كوميسسيالارىنىڭ 5 مۇشەسىندە پ ت ر- تەستتىڭ وڭ ناتيجەسى انىقتالدى»، - دەدى باقىت بەكتەمىسوۆا.

ەستەرىڭىزگە سالا كەتەيىك، ەلوردا كوروناۆيرۋستىڭ تارالۋ قارقىنى بويىنشا «سارى ايماقتا» ورنالاسقان. تۇرعىندار بارلىق شارالاردى، ياعني بەتپەردە كيىپ، قاشىقتىقتى ساقتاۋى كەرەك.