قازگيدرومەت: 5-قاراشا كۇنگى اۋا رايى بولجامى

كاسىپورىن تاراتقان مالىمەتتەرگە قاراعاندا، قازاقستاننىڭ باسىم بولىگىندە انتيتسيكلوننىڭ اسەرىنەن كۇن جاۋىن-شاشىنسىز بولادى. تەك، ەلىمىزدىڭ باتىسى، سولتۇستىگى جانە شىعىسىندا عانا اتموسفەرالىق فرونتالدى بولىكتەردىڭ اسەرىنەن كەي جەرلەردە جاۋىن-شاشىن بولىپ، ءبىرقاتار ايماقتا قار ارالاس جاڭبىر جاۋادى.

رەسپۋبليكانىڭ كەي جەرلەرىندە تۇمان ءتۇسىپ، جەل كۇشەيىپ، سولتۇستىك-شىعىستا كوكتايعاق بولادى.

پاۆلودار وبلىسىنىڭ كەي جەرلەرىندە تۇمان ءتۇسىپ، جەل سەكۋندىنا 18 مەتر جىلدامدىقپەن ۇيتقيدى، كوكتايعاق بولادى.

اقمولا، اتىراۋ، قوستاناي، قاراعاندى وبلىستارىنىڭ، تۇندە جانە تاڭەرتەڭ اقتوبە وبلىسىنىڭ كەي جەرلەرىندە تۇمان ءتۇسۋى ىقتيمال.

شىعىس قازاقستان، جامبىل، سولتۇستىك قازاقستان وبلىستارىنىڭ كەي جەرلەرىندە تۇمان ءتۇسىپ، جەل سەكۋندىنا 15-20 مەتر جىلدامدىقپەن سوعادى.

تۇركىستان وبلىسىنىڭ كەي جەرلەرىندە جەلدىڭ جىلدامدىعى سەكۋندىنا 15-20 مەترگە جەتەدى.