دارىگەرلەردىڭ سۋرەتىن سالعان 5 جاسار ءسابي رەسپۋبليكالىق بايقاۋدىڭ جەڭىمپازى اتاندى
ەلوردادا «ەلگە ساۋلىق، دارىگەرگە قۇرمەت» اتتى كىتاپ كورمەسى اشىلدى بۇل تۋرالى قالالىق ءبىلىم بەرۋ ءبولىمى ءمالىم ەتتى.
- قالالىق №24 سابيلەر باقشاسىنىڭ مەكتەپالدى دايارلىق توبىنىڭ تاربيەلەنۋشىسى، 5 جاستاعى ۆەرونيكا لۋب بايقاۋدىڭ «سۋرەت» نوميناتسياسىندا 1-ورىنعا يە بولدى. بايقاۋدى «Mangilik el qastary» قوعامدىق قورى ۇيىمداستىردى جانە پاندەميامەن كۇرەسكە قاتىسقان بارلىق ادامدارعا ارنالدى، - دەدى ءبىلىم بەرۋ بولىمىندە.
گۋاشپەن سالىنعان «ەشتەڭەدەن قورىقپايتىن دارىگەرلەرگە راحمەت» اتتى سۋرەتىندە ۆەرونيكا دارىگەرلەردىڭ پاندەميا ۆيرۋسىمەن كۇرەسىن جانە ناۋقاستاردى ۆيرۋستان قالاي قۇتقارۋعا بولاتىندىعىن ءوز كوزقاراسىمەن كورسەتكەن. ۆەرونيكا م. كاتايەۆ اتىنداعى وبلىستىق وقۋشىلار سارايىنىڭ «لادوشكي» بەينەلەۋ ستۋدياسىنا بارىپ ءجۇر.
- تاربيەشىمنىڭ وسى كونكۋرسقا قاتىسۋ تۋرالى ۇسىنىسىن مەن ۇلكەن ىقىلاسپەن قابىل الدىم. ويتكەنى بالالاردىڭ اتىنان وسى قورقىنىشتى اۋرۋمەن كۇرەسۋگە كومەكتەسكەن بارلىق ادامدارعا العىسىمدى بىلدىرگىم كەلدى»، - دەيدى ۆەرونيكا لۋب.
بايقاۋ قورىتىندىسى بويىنشا ۆەرونيكا ديپلوممەن، ونىڭ تاربيەشىسى ەلەنا دورن وسكەلەڭ ۇرپاقتى تاربيەلەۋدەگى ەرەكشە جاۋاپتى قارىم- قاتىناسى ءۇشىن العىس حاتپەن ماراپاتتالدى.
