جاڭاارقا تۇرعىندارى اۋرۋحانالارعا 5 توننا قىمىزدى تەگىن تاراتتى
«بۇل قازىر اۋىرىپ قالعاندار مەن مەديتسينالىق مەكەمەلەردىڭ قىزمەتكەرلەرى ءۇشىن قولىمىزدان كەلەتىن ەڭ از كومەك. قىمىز بەن ساۋمال دارۋمەندەرگە باي جانە پايدالى قاسيەتتەرگە يە. ولار ەمدەلۋشىلەرگە دە، دارىگەرلەرگە دە كۇش بەرەدى دەپ ۇمىتتەنەمىز»، - دەيدى جاڭاارقالىق تۇرعىندار.
وتكەن جۇمادا ەراليەۆ اۋىلىنىڭ تۇرعىندارى قاراعاندىعا 1 توننا قىمىز بەن 200 ك گ قۇرت الىپ كەلدى. وسىنشاما كولەمدە شيپالى سۋسىندى ەراليەۆ تۇرعىندارى ءبىر كۇندە جينادى! بۇل ءسۇت ونىمدەرى وبلىس ورتالىعىنىڭ ءتورت اۋرۋحاناسىنا ءبولىندى. اتالمىش يگى ءىستى اۋىل تۇرعىنى ەرلان ءتۇسىپوۆ ۇيىمداستىردى. ال جەكە كاسىپكەر قايرات ومىربەكوۆ قىمىزدى قاراعاندىعا تەگىن جەتكىزدى.
«قازاق قىمىزى ەجەلدەن مىڭداعان اۋرۋعا شيپا بولعان. ءبىز ناۋقاستارعا اۋرۋدى جەڭۋگە جانە ۆيرۋسپەن كۇندىز جانە تۇندە كۇرەسىپ جاتقان دارىگەرلەرگە كۇش بەرگىمىز كەلەدى» - دەپ ەراليەۆ اۋىلىنىڭ تۇرعىندارى قاراعاندىلىقتارعا تىلەكتەرىن ءبىلدىردى.
سونداي- اق، جاڭاارقا اۋدانىنىڭ تۇرعىندارى قۇرباندىق شالۋ ءراسىمىن وتكىزدى. مۇقتاجدارعا ەت تاراتىلىپ، اۋدان اۋرۋحانالارىنا ىستىق تاعامدار تاراتىلدى. جالپى ءبىر اپتا ارالىعىندا جاڭاارقا اۋدانىنىڭ تۇرعىندارى قاراعاندى، تەمىرتاۋ، اباي، جەزقازعان، ساتبايەۆ، نۇرا جانە جاڭاارقا اۋداندارىنىڭ اۋرۋحانالارىنا 5 توننادان استام قىمىز، ءبىر تونناعا جۋىق قۇرت، ىرىمشىك، ساۋمال جيناپ، جەتكىزدى.
جاڭاارقالىقتار كوروناۆيرۋسپەن كۇرەسەتىن ادامدارعا جاقسىلىق جاساۋدى ءارى قاراي دا جالعاستىرۋدى جوسپارلاپ وتىر. ەسكە سالساق، بۇعان دەيىن كوپبالالى مەيرامگۇل مۇقايەۆا الماتى وبلىسىنداعى پانفيلوۆ اۋداندىق اۋرۋحانانىڭ پروۆيزورلىق بولىمدە اۋىرىپ جاتقان ناۋقاستارعا تەگىن ساۋمال اكەلىپ جۇرگەنى تۋرالى جازعان بولاتىنبىز.
