الماتى وبلىسىندا ادام ولتىرگەن كۇدىكتى 5 جىل وزگە وڭىردە جاسىرىنعان
الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، قايعىلى جاعداي 2015-جىلى بالقاش اۋدانىنداعى قاراوي اۋىلىندا بولعان.
داستارحانداس بولعان ەر ازامات 44 جاستاعى ءۇيدىڭ يەسىنە پىشاق جاراقاتىن سالعان.
«اتالعان دەرەك ق ر ق ك 106-بابى 3-بولىگى («اباي̆سىزدا جابىرلەنۋشىنىڭ ولىمىنە اكەپ سوققان دەنساۋلىققا قاساقانا اۋىر زيان كەلتىرۋ») بوي̆ىنشا تىركەلىپ، كۇدىكتى دە انىقتالعان. كەي̆ىننەن ونىڭ جاۋاپكەرشىلىكتەن قاشىپ، جالعان جاۋاپ بەرگەنى بەلگىلى بولدى»، - دەدى ۆەدومستۆودان.
پوليتسيا قىزمەتكەرلەرى تەكسەرۋ جۇمىستارىن جۇرگىزگەنشە، كۇدىكتى ءىزىن سۋىتىپ ۇلگەرگەن.
ءبىرقاتار ساراپتامالار جۇرگىزىلگەننەن جانە قاشقىنعا قاتىستى نەگىزدى دالەلدەردەن كەي̆ىن سوت كۇدىكتىگە قاتىستى كۇزەتپەن ۇستاۋ تۇرىندەگى بۇلتارتپاۋ شاراسىن بەلگىلەگەن.
2015-جىلدىڭ 7- ماۋسىمىندا كۇدىكتىگە ىزدەۋ جاريالاندى. بەس جىلدان استام ۋاقىت بوي̆ى ول تەرگەۋدەن مۇقيات جاسىرىنعان.
«2020-جىلدىڭ 23- ماۋسىمىندا جەدەل اقپارات الىپ قاراعاندى وبلىسىنا جەتكەن الماتى وبلىسىنىڭ پوليتسەي̆لەرى قاراعاندى وبلىسىنىڭ اقتوعاي̆ اۋدانىنان ىزدەۋدە جۇرگەن ادامدى ۇستادى»، - دەلىنگەن اقپاراتتا.
