قازاق تەلەكوم باسشىسى 5-بۋىن ينتەرنەتتى ەنگىزۋگە قاتىستى تۇسىنىك بەردى
«قازىرگى كەزدە ەلىمىزدە سمارتفونداردا پايدالانىلىپ جۇرگەن 4G تەحنولوگياسى كەڭىنەن تاراعان. ەندى 5G ىسكە قوسىلاتىن جيىلىك سپەكتورى بويىنشا جۇمىستار اتقارىلۋدا. نۇر- سۇلتان، الماتى جانە شىمكەنتتە تەستىلىك اۋماقتاردى قويدىق. تەستىلەۋ ناتيجەسى ينتەرنەتتىڭ جاقسى ناتيجەسىن كورسەتتى»، - دەدى ق. ەسەكەيەۆ ورتالىق كوممۋنيكاتسيالار قىزمەتىندە.
وسى ورايدا ول جاڭا تەحنولوگيانى دامىتۋدا بايلانىس وپەراتورلارى ءوزىنىڭ قارجىسىن سالاتىنىن جەتكىزدى.
«وپەراتورلار 5G ەنگىزۋگە قارجى سالادى. قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىندە وسى تاقىرىپقا قاتىستى تالقىلاۋلار جۇرگىزىلۋدە»، - دەدى كومپانيا باسشىسى. ونىڭ سوزىنە قاراعاندا، بۇل تۇرعىدا 5G جەلىسىن بىرنەشە وپەراتوردىڭ بىرلەسىپ پايدالانۋى تۋرالى ۇسىنىستار ايتىلدى. بۇدان بۇرىن حابارلانعانداي، ق ر سيفرلىق دامۋ، يننوۆاتسيالار جانە ايەروعارىش ونەركاسىبى ءمينيسترى اسقار جۇماعاليەۆ ادام دەنساۋلىعىنا ۇيالى بايلانىس انتەننالارىنىڭ اسەرى تۋرالى پىكىر ءبىلدىردى.
اۆتور: رۋسلان عابباسوۆ
