رەسەيگە 5 ميلليونعا جۋىق ماسكا زاڭسىز شىعارىلماق بولعان
«شەكارا قىزمەتىنىڭ باتىس قازاقستان وبلىسى بويىنشا دەپارتامەنتى 2020 -جىلعى ناۋرىز ايىنان باستاپ قازىرگى ۋاقىتقا دەيىن رەسەيگە مەديتسينالىق جەكە قورعانىس زاتتارىن شىعارۋدىڭ 13 جاعدايىنىڭ الدىن الدى (مەديتسينالىق ماسكا - 4585570 دانا، قولعاپ - 3900000 دانا، قورعانىس كوزىلدىرىگى - 480 دانا) . تاركىلەنگەن زاتتاردىڭ بولجامدى سوماسى 500 ميلليوننان استام تەڭگەنى قۇرايدى» دەلىنگەن حابارلامادا.
مالىمەتكە ساي، ۇيىمداستىرۋشىلار قورعانىس زاتتارىن زاڭسىز شىعارۋ ءۇشىن حالىق تۇتىناتىن تاۋارلار جۇگىنىڭ اراسىنا جاسىرعان. ۇ ق ك شەكارا قىزمەتىنىڭ اۋماقتىق بولىمشەلەرى قازاقستاننان جەكە قورعانىس زاتتارىن زاڭسىز شىعارۋدىڭ جولىن كەسۋ ماقساتىندا وتكىزۋ پۋنكتتەرىندە باقىلاۋدى كۇشەيتۋدى قولعا الدى.
