كارانتين: الماتىدا اشىق تۇرعان ساۋدا ورنىنىڭ باسشىسى 5 تاۋلىككە قامالدى
اتاپ ايتقاندا، قوعامدىق ورىن بولىپ تابىلاتىن كاسىپورىن باسشىلارى ءتارتىپتى بۇزعان. «ازاماتتاردىڭ ءومىرى مەن دەنساۋلىعىنا قاۋىپ توندىرە وتىرىپ، كەيبىر كاسىپكەرلەر شتاتتىق رەجيمدە جۇمىس ىستەۋدى جالعاستىرىپ جاتىر ەكەن. ونىڭ ىشىندە تۇرعىندار تاراپىنان «ۆوسحود» ساۋدا ورنى اشىق تۇرعانى تۋرالى شاعىم كەلگەن بولاتىن. الماتى قالاسىنىڭ مامانداندىرىلعان اۋدانارالىق اكىمشىلىك سوتىنىڭ 2020 -جىلعى 21 - ناۋرىزداعى قاۋلىسىمەن «Arai Cash» ج ش س باسشىسى («ۆوسحود» ساۋدا ءۇيىنىڭ مەنشىك يەسى) ق ر ا ق ب ت ك- ءنىڭ 476-بابى بويىنشا ايىپپۇل تۇرىندە اكىمشىلىك جاۋاپكەشىلىككە تارتىلدى. الايدا، قابىلدانعان شارالارعا قاراماستان «ۆوسحود» ساۋدا ءۇيى كەلەسى كۇنى قايتادان جۇمىسىن جالعاستىرعان. وسىعان بايلانىستى اتالعان سەرىكتەستىكتىڭ باسشىسى ازاماتشا ا سوتتىڭ شەشىمىمەن 5 تاۋلىككە اكىمشىلىك قاماۋعا الىندى» ، - دەدى پروكۋراتۋرانىڭ باسپا ءسوز قىزمەتىنەن.
ايتا كەتۋ كەرەك، كوروناۆيرۋس پاندەمياسىنا بايلانىستى قازاقستان رەسپۋبليكاسىنىڭ پرەزيدەنتى ەلدىڭ بۇكىل اۋماعىندا 2020 -جىلدىڭ 16- ناۋرىزىنان 15 -ساۋىرىنە دەيىن توتەنشە جاعداي ەنگىزۋ تۋرالى جارلىققا قول قويعان ەدى. الماتىدا 2020 -جىلدىڭ 19 - ناۋرىزىنان باستاپ كارانتين رەجيمى ەنگىزىلىپ، ءبىرقاتار شارالار مەن ۋاقىتشا شەكتەۋلەر بەلگىلەنگەن. ولاردى ورىنداماعان تۇلعالار اكىمشىلىك جاۋاپكەرشىلىككە (ق ر ا ق ب ك- ءنىڭ 476-بابى-10 ا ە ك ايىپپۇل نەمەسە 15 تاۋلىككە دەيىن قاماۋ) تارتىلادى. كاسىپكەرلەر اراسىندا ءبىرىنشى قاجەتتىلىك تاۋارلارىن جوعارى وزىندىك قۇنى بويىنشا ساتۋ (الىپساتارلىق) فاكتىلەرىن، ەڭبەك قۇقىقتارى مەن توتەنشە جاعدايلار مەن كارانتيندى بۇزۋ فاكتىلەرىن انىقتاۋ جانە جولىن كەسۋ ماقساتىندا الماتى قالاسى پروكۋراتۋراسىنىڭ، اكىمدىكتىڭ، پوليسيا جانە ەكونوميكالىق تەرگەۋ دەپارتامەنتىنىڭ قىزمەتكەرلەرى قاتارىنان ءموبيلدى توپ (تەل. 77011722707, 77017550699) جۇمىسقا كىرىستى.
