اۆستريادا شاڭعىشى 5 ساعات بويى قار كوشكىنى استىندا جاتقان
نۇر- سۇلتان. قازاقپارات - اۆستريالىق قۇتقارۋشىلار بەس ساعات بويى قالىڭ قار استىندا جاتقان 26 جاستاعى شاڭعىشىنى امان- ەسەن شىعارىپ الدى، دەپ حابارلايدى BBC.
شاڭعىمەن سىرعاناۋعا كەتكەن 26 جاستاعى ەر ادامنىڭ قايتا ورالماعاندىعى جايىندا پوليتسياعا ونىڭ جولداسى ايتقان.
ول شاڭعىشىنىڭ ۇيالى تەلەفونىنا قوڭىراۋ شالعان، ءبىراق جەلىدە تەك شۋىلداعان دىبىس عانا ەستىلگەن.
قۇتقارۋشىلار ونىڭ پلەشنيتستسينكە تاۋى بوكتەرىنىڭ قاي جەرىندە جاتقانىن ەلەكتروندى ترانسيۆەردىڭ كومەگىمەن ەكى ساعاتتان سوڭ تاپقان. گروبمينگتىڭ بىرنەشە قۇتقارۋشىلارى مەن جەرگىلىكتى پوليتسيا ءۇش ساعات بويى قاردى ارشىپ، ەر ادامدى شىعارىپ الدى. سالقىن تيگەن شاڭعىشى شۇعىل اۋرۋحاناعا جەتكىزىلدى.
قۇتقارۋشىلاردىڭ ءبىرى شتەفان شرەكتىڭ ايتۋىنشا، قاردىڭ استىندا بەس ساعات بويى جاتۋ وتە سيرەك كەزدەسەتىن وقيعا.
مۇنداي جاعداي اۆستريادا جيىرما جىلدىڭ ىشىندە ءبىر رەت قانا بولۋى مۇمكىن. ويتكەنى قالىڭ قار استىندا وتتەگىنىڭ جەتىسپەۋىنەن 15 مينۋتتان كەيىن ءتىرى قالۋ مۇمكىن ەمەس.
«ونىڭ جولى بولدى. ويتكەنى قار استىندا ەداۋىر ۇلكەن «اۋا قالتاسى» پايدا بولعان» ، - دەيدى قۇتقارۋشى فەرديناند پرەننەر.
